Barranin
Il-bniet qed jiżviluppaw qabel il-waqt bix-shampoos u l-fwejjaħ

Il-kimiċi preżenti fix-shampoos, il-fwejjaħ, id-deodorants u s-sapun jaf qed iġiegħel il-bniet jiżviluppaw qabel il-waqt.

Dan instab fi studju ppubblikat fil-ġurnal Human Reproduction, li eżamina l-livelli ta’ kimiċi bħall-parabens, phenols u phthalates.

Ir-riċerkaturi osservaw 179 tifla u 159 tifel li twieldu bejn l-1999 u l-2000 f’Kalifornja.  Fir-riċerka tagħhom, ir-riċerkaturi studjaw il-livell ta’ kimiċi preżenti fl-ommijiet waqt it-tqala u fit-tfal la laħqu l-etajiet ta’ 9 snin.

Instab li żewġ kimiċi partikolari, b’xi mod, affettwa l-iżvilupp tal-bniet iżda bl-ebda mod ma affettwa lis-subien. L-ommijiet, li waqt it-tqala kellhom livelli tal-kimiċi diethyl u phthalate, welldu bniet li spiċċaw żviluppaw qabel il-waqt.

Ir-riċerka sabet ukoll li dawk il-bniet li kellhom livelli ogħla mis-soltu ta’ parabeni wkoll żviluppaw qabel il-waqt.

Dr Harley, li mexxa din ir-riċerka, qal li dan l-istudju jista’ jitfa’ dawl fuq l-għaliex it-tfajliet jiżviluppaw ħafna qabel is-subien fl-aħħar snin. Skont Dr Harley, il-bniet li jgħaddu mill-fażi ta’ pubertà qabel il-waqt iwassal għal problemi fis-saħħa mentali u jżid ir-riskju ta’ kanċer fis-sider u fl-utru.

Aħbarijiet Oħra
Barranin

Fir-Renju Unit bdiet it-tellieqa għall-mexxej tal-Partit Konservattiv li jmiss, wara li lbieraħ, Theresa May ħabbret li se tirriżenja x-xahar id-dieħel. Din l-elezzjoni mhux se tirriżulta biss f’mexxej ġdid tal-partit, imma…

Barranin

Mill-inqas 8 persuni ndarbu wara li pakkett suspettat b’bomba sploda fiċ-ċentru tal-belt Franċiża ta’ Lyon. Lyon hi t-tielet l-ikbar belt fi Franza. Il-Pulizija ssiġillaw ix-xena tal-inċident u bħalissa fuq il-post…

Unjoni Ewropea

Wara li lbieraħ bdew jivvutaw l-Ingliżi u l-Olandiżi, illum kien imiss lill-Irlandiżi u ċ-Ċeki biex joħorġu jivvutaw biex jaħtru d-deputati Ewroparlamentari. Fir-Repubblika Ċeka l-votazzjoni maqsuma fuq jumejn bil-għan li t-turnout…

Barranin

Is-sajf fl-Italja mistenni jkun ikkaratterizzat minn temp estrem, b’perjodu ta’ nixfa u xita qalila. L-esperti tat-temp fl-Italja ltaqgħu dan l-aħħar f’Ruma u qed ibassru li l-istaġun sajfi se jkun kemmxejn…

Aktar