Politika
Il-Bord tal-Etika tal-PN jikkonkludi li Hermann Schiavone ma kisirx regoli tal-partit, jirriżenja Norman Vella

Id-deputat Dr Hermann Schiavone mistenni jerġa’ lura fi ħdan il-grupp Parlamentari Nazzjonalista wara li f’April li għadda kien issospenda lilu nnifsu mill-grupp fl-isfond ta’ kontroversja li qamet meta sar magħruf li kellu laqgħa ma’ Yurgen Fenech li kien fil-mira ta’ kritika dwar il-kumpanija 17 Black.

Stqarrija tal-Partit Nazzjanalista wara laqgħa tal-Kumitat Eżekuttiv intqal li l-kumitat aċċetta r-rakkomondazzjonijiet tal-Bord tal-Etika li kkonkluda li Dr Schiavone ma kiser l-ebda struzzjoni jew regola tal-Partit u għalhekk ma ħassx li kellu jirrakkomanda proċeduri oħrajn kontrih. Il-bord qal ukoll li lanqas ma jirriżulta li kien hemm intenzjonijiet ħżiena u dan kien każ ta’ nuqqas ta’ sens ta’ ġudizzju.

Din id-deċiżjoni waslet biex l-ex kandidat Nazzjonalista Norman Vella rreżenja minn kandidat, kunsillier u minn membru tal-Partit. Fuq Facebook, is-sur Vella esprima l-għadab tiegħu għad-deċiżjoni tal-Partit li qal tmur kontra dak li ħadem u li n-Nazzjonalisti vvutaw għalih sentejn ilu. Is-sur Vella, fl-istess waqt irrikonoxxa li min ġie fdat bit-tmexxija tal-Partit u tal-organi tiegħu għandu l-jedd jieħu d-deċiżjonijiet li jidhirlu li huma l-aħjar u jmexxi l-Partit fid-direzzjoni li jħoss li għandu jmexxih.

Ara wkoll:

AĠĠORNAT: Hermann Schiavone jissospendi ruħu mill-grupp parlamentari tal-PN

Aħbarijiet Oħra
Lokali

Għalqu il-postijiet tal-votazzjoni fir-Renju Unit hekk kif l-elettroat ivvota fit-tielet elezzjoni ġenerali f’inqas minn ħames snin. L-elezzjoni li saret l-ewwel darba f’Diċembru fi kważi seklu issegwi l-elezzjonijiet preċedenti tal-2015 u…

Lokali

Il-Prim Ministru Joseph Muscat qal li ħass li kellu jattendi għas-summit tal-Kunsill Ewropew għax hu l-Prim Ministru tal-pajjiż u xogħlu huwa li jirrappreżenta lil Malta. Huwa qal dan fl-isfond li…

Politika

Iż-żewġ kandidati għat-tmexxija tal-Partit Laburista: Chris Fearne u Robert Abela ddikjaraw li Konrad Mizzi mhux ser jkun fil-kabinett tagħhom għalkemm jibqa’ fil-grupp parlamentari Laburista. Intervistati fil-programm Dissett, Dr Fearne u…

Lokali

Il-kumpanija tat-telekomunikazzjoni GO qalet li minħabba ħsarat is-servizzi tal-internet kemm dak fiss, kif ukoll tal-mobile mhumiex qegħdin jaħdmu. Fuq Facebook il-kumpanija qalet li konsegwenza ta’ din il-ħsara, iċ-channels diġitali tal-call centre huma…

Aktar