Ippjanar u bini
Il-bord tal-PA jiddikjara li hu kontra l-proġett tal-AUM kif propost

Id-deċiżjoni tal-bord tal ippjanar dwar il-masterplan għal estensjoni tal-kampus tal-American University of Malta ġiet diferita għal seduta oħra.

Dan wara li l-membru tal-bord esprimew unanimament l-intenzjoni tagħhom li jivvutaw kontra l-proġett kif inhu, l-aktar minħabba l-bini tar-residenzi għall-istudenti fil-pjazza tal-Pitkalija u d-daqs tal-binja għall-amministrazzjoni, li ser tgħatti l-veduta tas-swar tal-Isla.

Waqt il-preżentazzjoni tal-proġett, il-Perit Edwin Mintoff qal li l-applikazzjoni tinkludi r-riġenerazzjoni tan-Knights Building, li ser jintuża għal skop edukattiv, il-bini ta’ parkeġġ taħt l-art, u binja oħra li se tinbena għall-amministrazzjoni tal-Università.

Il-membri tal-pubbliku li tkellmu waqt il-laqgħa qalu li l-proġett mhux ser jgħin lir-residenti taż-żona, u ħa jkompli jżid il-problemi fl-inħawi.

Il-President tal-American University of Malta, Dr Lewis Walker, qal li l-Università għandha bżonn aktar spazju biex tkun tista’ toffri s-servizzi tagħha lill-istudenti

Iċ-Chairman tal-Bord, il-Perit Vince Cassar, ta xahar ċans biex l-applikant jemenda l-proġett, qabel jittieħed il-vot finali.

Ritratt: Impressjoni artistika tal-proġett propost.

Aħbarijiet Oħra
Politika

Il-mexxej Laburista ntlaqa’ wkoll mill-partitarji fil-pjazza ta’ Ħaż-Żebbuġ. Huwa enfasizza li wara t-12 ta’ Jannar, il-Partit Laburista m’għandux bżonn numri biex juruh is-saħħa tiegħu għax huwa partit li jħoss il-polz…

Lokali

Dalgħodu l-pulizija reġgħet bagħtet għall-eks chief of staff tal-Prim Ministru, Keith Schembri. Television Malta jinsab infurmat li dalgħodu l-Pulizija mit-Taqsima tar-Reati Ekonomiċi reġgħet interrogat lis-Sur Schembri u tteħditlu wkoll stqarrija….

Politika

Il-Prim Ministru Joseph Muscat indirizza l-folla li nġabret in-Naxxar fejn qal li ”xogħlna issa li nħarsu ‘l quddiem.” Huwa qal li jinsab kburi b’dan il-moviment u f’dan kollu ”l-aħna akbar…

Aktar