Qorti
Il-familja Caruana Galizia titlob ir-rikuża tal-Maġistrat Nadine Lia

Il-familja ta’ Daphne Caruana Galizia talbet lill-Qorti biex il-Maġistrat Nadine Lia ma tismax il-kumpilazzjoni ta’ Yorgen Fenech, li jinsab mixli li kien il-moħħ fil-qtil tas-Sinjura Caruana Galizia.

Il-familja Caruana Galizia qalet li l-Maġistrat Lia, li appuntat is-smigħ għal għada, għandha kunflitt ta’ interess, minħabba li missier ir-raġel tagħha, Pawlu Lia, huwa konsulent legali u difensur f’kawżi oħra tal-Prim Ministru u tal-eks Chief of Staff Keith Schembri, li l-familja qed tallega li huwa implikat fil-każ.

Il-Maġistrat intgħażlet bil-polza biex tisma’ l-kumpilazzjoni tax-xhieda f’dan il-każ.