Lokali
Il-films kruċjali biex jinterpretaw dak li qed iseħħ madwarna

Il-programm tal-istudji tal-film tal-Università ta’ Malta jiddedika parti sostanzjali minnu għat-teorija u l-prattika tal-film u huwa ddisinjat biex jilħaq studenti li għandhom sisien u formazzjonijiet varji fl-istudji tagħhom. Iltqajna’ mal-koordinatriċi waqt ċerimonja ta’ perżentazzjoni tal-produzzjonijiet awdjoviżivi fl-Università ta’ Malta.

Il-koordinatriċi dwar l-istudji tal-film fl-Università ta’ Malta, Gloria Lauri Lucente, qalet li l-pjattaformi awdjo viżivi qed isiru iżjed kruċjali biex ninterpretaw dak li qed iseħħ fid-dinja.

Prof. Lauri Lucente qalet li dan ma japplikax biss għall-aħbarijiet u stejjer kontemporanji li jixxandru fuq il-mezzi tal-media soċjali, imma partikolarment għall-ġeneri bħall-film u ċ-ċinema, bl-industriji jattiraw budgets li jlaħħqu l-miljuni.

Waqt iċ-ċerimonja tal-preżentazzjoni tal-produzzjonijiet awdjoviżivi tal-istudenti li se jiggradwaw f’Novembru li ġej, hija qalet li l-istudenti qed jimirhu fl-iżviluppi li qed iseħħu kien fl-industrija tal-films.

“L-iskop huwa kemm il-komponent prattiku u anki teoretiku, għax min iktar jixtieq jaħdem u jirfina fil-iskills li għandhom jew li għad li m’għandhomx fil-production u l-ħolqien ta’ short films u feature films u hemm min jixtieq jirfina t-teorija.”

Hija qalet li l-programm dwar l-istudji tal-film mill-Fakultà tal-Arti f’livell ta’ Masters għandu l-għan li jsaħħaħ l-abbiltajiet analitiċi u prattiċi filwaqt li jrawwem ħiliet biex l-istudenti jiżviluppaw karriera fl-industrija tal-films, it-televiżjoni u l-midja.

Prof. Lauri Lucente qalet li l-għan tal-kors huwa li l-Università tipprovdi t-taħriġ formali, u li jsaħħaħ il-kwalità tal-istudju taċ-ċinema, anki b’esperjenzi diretti fix-xogħol. Qalet li dan il-kors qed isaħħaħ il-kwalità tal-industrija ċinematografika indiġena.

“Se jirfinaw imbagħad ovvjament se jindunaw fejn iridu jispeċjalizzaw aktar fil-fond.”

L-istudenti li huma r-raba’ grupp f’dan il-kors huma ggwidati minn esperti lokali u barranin f’diversi aspetti tal-produzzjoni tal-films.

Aħbarijiet Oħra
Kronaka

Anzjan ta’ 75 sena residenti l-Pieta’ tilef ħajtu meta waqa’ għoli ta’ tliet sulari. Il-każ seħħ ftit wara s-sebgħa ta’ llejla meta l-anzjan instab mal-art fl-inħawi ta’ ġnien li jinsab…

Lokali

Fil-ġranet li ġejjin, l-awtoritajiet tas-saħħa mistennija jagħmlu funeral tal-foqra lil erba’ persuni, li tlieta minnhom għandhom il-karta tal-identità Maltija li ilhom aktar minn xahrejn abbundannati fil-kamra mortwarja. Ma’ TVM, id-Direttur…

Lokali

Mil-lum il-bdiewa li jkabbru l-patata bdew iħejju l-għelieqi tagħhom wara li fl-aħħar jiem għamlu l-kalkoli tat-telf li kellhom fl-aħħar sena minħabba r-riħ qawwi u s-silġ li niżel fil-grigalata ta’ tmiem…

Lokali

Fit-tmien ġimgħat tal-għasir tat-tadam, bejn Lulju u Awwissu se jiġu proċessati mas-sitt elef tunnellata tadam li jinġabru mingħand mitejn bidwi f’Malta u Għawdex. Fil-fabbrika tal-ikbar produttur fl-ipproċessar tat-tadam, jidħlu medja…

Aktar