Il-FKNK tfaħħar l-imġiba tal-kaċċaturi minkejja “l-eko-terroristi”

Il-Federazzjoni Kaċċaturi Nassaba Konservazzjonisti (FKNK) sostniet li l-imġiba fi kliemha eżemplari tal-kaċċaturi jistħoqqilha kull tifħir, għall-mod kif ġiet osservata l-liġi matul l-istaġun tal-kaċċa fir-rebbiegħa li għalaq fit-30 ta’ April.

Il-Federazzjoni qalet li dan seħħ minkejja l-provokazzjonijiet, anki permezz ta’ gideb, tgħajjir, insulti u mibegħda li kellhom iħabbtu wiċċhom magħhom il-kaċċaturi u l-istess FKNK, liema offiżi qalet il-Federazzjoni nħolqu minn nies kontra l-kaċċa kemm Maltin kif ukoll barranin, speċjalment Ingliżi.  “Dawn l-eko-terroristi, xejn ma ddejqu jħammġu isem Malta b’qerq quddiem il-bqija tad-dinja”, qalet l-FKNK.

Il-FKNK tat ħajr lill-membri tagħha tal-koperazzjoni sħiħa tagħhom biex assiguraw, li huma kapaċi josservaw ir-regolamenti. Hija tat ħajr ukoll lill-Gvern li fi kliemha wettaq l-applikazzjoni ta’ deroga b’mod korrett u b’kundizzjonijiet ta’ superviżjoni strettissimi, biex ippermetta l-kaċċa limitata f’din ir-rebbiegħa.  Qal li dan jawgura wkoll tajjeb għall-futur tal-passjoni tradizzjonali u soċjo-kulturali tal-kaċċa fir-rebbiegħa fil-gżejjer Maltin.

Aħbarijiet Oħra
Qorti

Quddiem il-Maġistrat Marseanne Farrugia llum bdiet tinstema’ l-kumpilazzjoni tax-xhieda fil-każ ta’ John Paul Woods li qed jiġi akkużat bil-qtil ta’ Charlene Farrugia u li ħeba l-katavru tagħha. Ir-raġel kien wieġeb…

Sajd

Kważi sena u nofs minn maltempata qawwija li ħalliet ħerba f’diversi nħawi tal-pajjiż, il-gvern ħabbar li qed jalloka miljun ewro għal skema ta’ kumpens finanzjarju lil sajjieda li l-bastimenti tagħhom…

Qorti

Raġel ta’ 50 sena qed ikun akkużat, fost oħrajn, li stupra lis-sieħba ripetutament u li ħa xbiehat ta’ natura sesswali tagħha bil-ħsieb li jheddidha bihom. Huwa qed jiċħad l-akkużi. Ir-raġel tressaq…

Kronaka

Raġel ta’ 51 sena li jgħix is-Siġġiewi qiegħed isofri minn ġrieħi gravi wara li weġġa’ f’sit ta’ kostruzzjoni fin-Naxxar. Il-Pulizija kienu infurmati bl-inċident fi Triq il-Katakombi għall-ħabta tal-10.00am. Il-Pulizija tad-Distrett…

Aktar