Politika
Il-folla b’mumenti ta’ entużjażmu waqt li mxiet mal-Prim Ministru sa Kastilja

Apparti t-trasmissjoni diretta fuq Television Malta u tvm.com.mt, il-folla segwiet il-ġurament tal-ħatra fuq screen kbir armat apposta fi Pjazza San Ġorġ, il-Belt. Kienu bosta dawk li stennew biex jiltaqgħu mal-Prim Ministru fi triqtu għal Kastilja u jawgurawlu personalment.

Wara li ntemmet iċ-ċerimonja tal-ħatra, Dr Abela beda l-mixja tiegħu minn Misraħ San Ġorġ lejn Kastilja, imdawwar minn bosta nies li ferħulu għall-kariga ġdida tiegħu. Kien hemm mumenti ta’ entużjażmu hekk kif il-folla li mxiet mal-Prim Ministru ġdid tul Triq ir-Repubblika.

Kien hemm uħud li kien ilhom sigħat jistennew l-okkażjoni f’Misraħ San Ġorġ biex jifirħulu u oħrajn biex jieħdu xi stessu miegħu.

Il-wasla tal-Prim Ministru ġdid fil-Berġa ta’ Kastilja ntlaqgħet minn folla li laqgħet lil Dr Abela u awguratlu waqt li tela’ għall-ewwel darba t-taraġ ta’ Kastilja bħala l-Prim Ministru ġdid ta’ Malta.

F’Kastilja Dr Abela kellu l-ewwel impenji tiegħu b’laqgħa tal-grupp Parlamentari Laburista. Fiha l-Prim Ministru Abela saħaq li l-Grupp Parlamentari issa għandu jissokta bil-ħidma tiegħu għax hemm ħafna xogħol xi jsir biex il-pajjiż jibqa’ miexi ‘l quddiem. Huwa mifhum li diġà bdiet il-ħidma biex Dr Abela jħabbar il-membri tal-kabinett tiegħu.

 

Aħbarijiet Oħra
COVID-19

L-Awtorità tat-Turiżmu (l-MTA) qalet li f’ġimgħa 12-il stabbiliment instabu jiksru l-protokolli biex titrażżan l-imxija tal-COVID-19 u se tittieħed azzjoni legali kontrihom. L-awtorità qalet li fl-aħħar tmint’ijiem, uffiċċjali tagħha għamlu ‘l…

Edukazzjoni

Il-Kunsill Studenti Universitarji, il-KSU esprima tħassib għax għad m’hemmx pjan alternattiv għall-eżamijiet tal-MATSEC li se jsiru f’Settembru. Fi stqarrrija l-KSU qal li s’issa l-eżamijiet għadhom se jsiru b’mod fiżiku fis-swali…

Lokali

Id-deputat Claudio Grech ippreżenta lill-ispeaker Anġlu Farrugia rapport tal-aħħar sena ħidma tal-Fondazzjoni Save A Life, li waqqaf flimkien ma’ martu, seba’ snin ilu. Is-Sur Grech spjega li jgħaddi l-onorarja parlamentari…

Aktar