FILMAT: Il-foss tal-Birgu jingħata ħajja ġdida b’investiment ta’ miljun ewro

Għalkemm il-Foss tal-Birgu kien serva ta’ ġnien publiku għal xi żmien, il-post kien spiċċa kompletament mitluq u abbandunat. Illum, il-Foss inbidel f’post ta’ rikreazzjoni għall-familji, fl-istess waqt li żamm il-valur storiku tiegħu.

Il-Ministru Owen Bonnici u s-Segretarju Parlamentari Ian Borg inawguraw il-proġett ta’ rijabilitazzjoni tal-Foss tal-Birgu. Il-proġett beda madwar 13-il xahar ilu u tlesta b’investiment ta’ ftit akat minn miljun ewro li minnhom 85% huma mill-fondi tal-Unjoni Ewropea. L-għan tal-proġett kien mhux biss li tiġi restawrata l-ġebla iżda li tingħata lura d-dehra oriġinali tal-fortifikazzjonijiet.

Il-Perit Dorianne Cachia, mid-Direttorat tar-Restawr fi ħdan il-Ministeru tal-Kultura ddisinjat u implimentat il-proġett. Hija spjegat li saru passaġġi li permezz tagħhom, wieħed jista’ jaqsam min-naħa għall-oħra tal-foss u li finalment iwassluk mid-daħla l-antika tal-Birgu magħrufa bħal l-Couvre Porte san-naħa tax-xatt tal-Kalkara.

“Fil-kunċett tad-disinn, l-idea kienet illi nagħmlu passaġġ sempliċi b’tali mod li l-viżitaturi jistgħu japprezzaw ir-rikkezza tal-fortifikazzjonijiet.”

Id-disinn jintegra u jenfasizza d-diversi sejbiet arkejoloġici li saru f’dan is-sit bi storja tant rikka, fosthom il-Kapunier li nbena fl-1728.

“Kien qisu forma ta’ trench li minnu kienu jaħarbu l-Kavallieri u jekk jiġi l-għadu min-naħa l-oħra tal-foss. Dan ġie restawrat u għamilna wkoll rikostruzzjoni ta’ parti minnu u wieħed issa jista’ jifhem kif dan kien jintuża.”

Il-Perit Cachia qalet li sar xogħol estensiv fl-inħawi tal-Batterija li kienet mirduma bil-ħamrija u siġar kbar

“Skavajna kompletament sakemm sibna l-pedamenti u wieħed issa jista’ japprezza l-ġmiel li hija parti mill-Foss li ġġonġi mal-posta ta’ Kastilja.”

Il-proġett tar-rijabilitazzjoni tal-foss tal-Birgu sar ukoll bit-tħabbrik tal-Kunsill Lokali tal-Birgu.

 

Aħbarijiet Oħra
Edukazzjoni

L-Aġenzija Nazzjonali tal-Litteriżmu f’kollaborazzjoni mal-Kunsill Nazzjonali tal-Ktieb u d-Direttorat għall-Programmi ta’ Tagħlim u Assessjar organizzat żewġ ċerimonji tal-għoti tal-premjijiet lill-Promoturi tal-Qari/Reading Champions. Dawn saru nhar il-Ħamis, 7 ta’ Novembru 2019…

Lokali

Il-Ministru għat-Turiżmu, Konrad Mizzi, ltaqa mal-linji tal-ajru fi Brussell, biex flimkien jiddiskutu t-tnaqqis fl-emissjonijiet. Dan wara li disa’ pajjiżi Ewropej ipproponew taxxa ġdida għall-emissjonijiet mill-ajruplani. Aħbar li ntlaqgħet b’diżappunt mil-linji…

Kronaka

Raġel jinsab fil-periklu tal-mewt wara li waqa’ minn għoli f’Ħal Balzan. L-inċident seħħ llum għall-ħabta tal-ħdax, fi Vjan De Paule f’Ħal Balzan, meta l-Pulizija ġiet infurmata li kien hemm bżonn…

Kronaka

It-Triq Reġjonali tinsab magħluqa wara li dalgħodu inqaleb trakk tal-gass. L-inċident seħħ għall-ħabta tal-10:45, meta għal xi raġuni, it-trakk spiċċa maqlub. Fuq il-post dlonk marru l-Pulizija flimkien ma’ membri tal-Protezzjoni…

Aktar