Il-frott taċ-ċitru ta’ Malta jvarja minn ta’ pajjiżi oħra

Il-benefiċċji tal-frott taċ-ċitru bħal-lumi, il-larinġ u l-mandolina kienu kkonfermati kemm-il darba fi studji u anki fil-prattika. Apparti mit-tjubija tat-togħma u l-versatilità tagħhom fid-dieta. L-espert fin-nutrizzjoni, Godfrey Axiak, qal li l-frott taċ-ċitru hu miżgħud b’vitamini u nutrijenti li jsaħħu is-sistema immunitarja u ta’ difiża kontra mard.

“Inkunu aktar kapaċi niġġieldu kontra l-influwenzi u l-irjiħat kontra anki ċertu cancers anki per eżempju l-ġebla hemm ħafna affarijiet li jiġu affetwati minħabba l-propjetajiet li għandu iċ-ċitru,” qal Godfrey Axiak.

Forsi fattur li ma tantx huwa magħruf huwa li ċ-ċitru tradizzjonali ta’ Malta ivarja minn pajjiżi oħra minħabba l-karatteristiċi klimatiċi Mediterranji.

“Il-larinġ per eżempju ta’ pajjiżi differenti ikun fih xorta ikun fih vitamini u minerali pero ikun fih ammonti differenti jiġifieri per eżempju l-ammont ta’ vitamina ċ li jkollu l-larinġ ta’ Malta ikun jiddependi minn ħafna affarijiet jiġifieri mhux bilfors il-larinġ ta’ Malta jkun eżatt bħal ta’ snin oħra però aħna Malta għandna frott tajjeb ħafna jiġifieri anki bħala vitamini u sustanzi u anki bħala size ikun sabiħ, kbir normalment,” qal Godfrey Axiak.

Ħal-Lija, il-lokalità li rabtet isimha mal-larinġ u l-frott taċ-ċitru l-Ħadd li ġej se tiċċelebra ‘l dan il-frott b’Festival taċ-Ċitru li ser isir ħdejn il-Kappella tal-Mirakli.

Aħbarijiet Oħra
Politika

Id-19 membru tal-grupp parlamentari tal-PN fi stqarrija qalu li jixtiequ jwasslu messaġġ ta’ kuraġġ lil dawk li dejjem taw appoġġ lill-Partit Nazzjonalista u lill-Maltin u l-Għawdxin ta’ rieda tajba. Fl-istqarrija…

Kronaka

Matul il-lejl li għadda, il-Pulizija flimkien ma’ membri tal-Forzi Armati ta’ Malti wettqu diversi kontrolli tat-traffiku madwar Malta fejn irriżultaw f’sejba ta’ droga kif ukoll ġew osservati ksur ta’ regolamenti tat-traffiku….

COVID-19

Il-Ministeru għas-Saħħa ħabbar li fl-aħħar 24 siegħa ma ħareġ l-ebda każ ġdid ta’ coronavirus f’Malta bil-każijiet attivi issa jinżlu għal 5 hekk kif fiequ 2 persuni oħra. B’kollox f’Malta u…

Aktar