Kurżitajiet
Il-fsied tan-nanniet jagħmel ħsara fuq saħħet it-tfal

Il-klemenza u l-fsied tan-nanniet jafu jħallu impatt ħażin fuq saħħet in-neputijiet.

Riċerkaturi fi ħdan l-Università ta’ Glasgow turi li hawn tendenza li n-nanniet jagħtu ħafna ikel lin-neputijiet u li jfisduhom.

Flimkien mal-ikel u l-fsied uħud minn nanniet ġieli jpejpu quddiem in-neputijiet u ma jħeġġuhomx biex jagħmlu l-eżerċizzju.

Ir-riċerka kienet tikkonsisti minn 56 studju fost 18-il pajjiż li jinkludu r-Renju Unit, l-Istati Uniti, iċ-Ċina u l-Ġappun.

Ir-rapport jiffoka fuq l-influwenza tan-nanniet fuq it-tfal meta jkunu għandhom żgħar b’mod partikolari fil-qasam tad-dieta, l-attività fiżika u t-tipjip.

Fil-qasam tad-dieta u l-piż, in-nanniet ħallew impatt ħażin hekk  kif  in-nanniet moħħhom li jitimgħu u jagħtu ħafna ikel lin-neputijet, b’mod partikolari ikel li jħalli togħma tajba, b’ħafna zokkor u li jħaxxen.

L-istudju sab differenza fost dawk in-nanniet li jrabbu lin-neputijiet ma’ dawk li jieħdu ħsiebhom fi tmiem il-ġimgħa biss. Dan hekk kif dawk li jarawhom biss fi tmiem il-ġimgħa jfisduhom aktar.

L-attriċi Maureen Lipman qalet li ma tistax tħarreġ it-tfal ta’ ħaddieħor u stqarret li tkun ġenituri hija sfida kontinwa iżda li tkun nanna hija xi ħaġa ta’ pjaċir u għalhekk ma tridx tkun in-nanna li ma tagħtix lin-neputijiet dik il-biċċa kejk.

Dwar l-eżerċizzju fiżiku l-istudju nnota li dan jiddependi skont kemm in-nanniet jagħtu importanza l-eżerċizzju f’ħajjithom. Filwaqt li dwar it-tipjip quddiem in-neputijiet, l-istudju jinnota li din hija battalja kontinwa bejn il-ġenituri u n-nanniet.

 

Aħbarijiet Oħra
Waqt il-Kafé

WAQT IL-KAFÉ… ma’ Joe Julian Farrugia   Meta konna żgħar, għall-bidu ta’ Novembru, tal-iskola kienu jagħtuna kaxxa tal-kartun kemmxejn ċatta, qisha gabarrè kbir li fiha kien ikollna ħafna pepprin tal-karta…

Barranin

L-iskart ta’ wieħed huwa t-teżor ta’ ieħor. Hekk jiddeskrivi l-karriera tiegħu Artur Brazhe, disinjatur tal-moda favur l-ambjent. Brazhe huwa minn Kursk u ilu jiddisinja ħwejjeġ minn affarijiet riċiklabbli għal dawn…

Kurżitajiet

Ħaddiema ta’ kumpanija Belġjana tal-metall dalgħodu sabu sorpriża wara tmiem il-ġimgħa hekk kif skoprew li kellhom bonus ta’ €30,000 fil-kont bankarju tagħhom. Filwaqt li wħud issuspettaw li l-flus spiċċaw għandhom…

Barranin

Diversi nies ma jirnexxilhomx jew ibatu biex jorqdu. Huma diversi raġunijiet għala wieħed ma jkunx jista’ jorqod fosthom għax wieħed ma jkunx xorob biżżejjed ilma matul il-jum. Skont riċerka li…

Aktar