Kultura
Il-ftira Maltija quddiem il-UNESCO biex tkun ikkunsidarata wirt kulturali intanġibbli

Il-Gvern permezz tad-Direttorat tal-Kultura, se jkun qiegħed iressaq il-ftira u l-arti kulinarja tagħha bħala l-ewwel element lokali biex ikun fil-lista tal-wirt kulturali intanġibbli tal-UNESCO.

Maħduma b’mod tradizzjonali u mfittxija minn bosta, il-ftira tista’ tispiċċa fil-lista tal-UNESCO bħala Wirt Intanġibbli. Dan ser isir wara li fl-2017, Malta rratifikat il-konvenzjoni tal-UNESCO dwar il-wirt kulturali intanġibbli.

Il-Ministru Owen Bonnici qal “il-konvenzjoni tagħmilha ċara li d-deċiżjoni trid tiġi mingħand in-nies u mhux il-Gvern jiddeċiedi. Il-poplu, lis-stakeholders u n-nies f’dan is-settur mexxew ‘il quddiem il-proposta tal-ftira artiġjana Maltija biex tidħol fil-lista tal-wirt intanġibbli tad-dinja kollha tal-UNESCO”.

L-ambaxxatur ta’ Malta għall-UNESCO, Monsinjur Dott. Joe Vella Gauci, qal li l-applikazzjoni trid tiġi evalwata mill-UNESCO.

Monsinjur Dott. Joe Vella Gauci qal “l-applikazzjoni trid tiġi segwita sakemm finalment tiġi aċċettata fl-Assemblea Ġenerali tal-Wirt Tanġibbli. Allura aħna l-iskop tagħna huwa li dan il-proċess, li beda propju llum, jiġi fi tmiemu matul din is-sena”.

Tħabbar li l-Bord Nazzjonali għall-Wirt Kulturali Intanġibbli qed jikkunsidra wkoll sottomissjonijiet li saru mill-Maltin dwar elementi oħra li jistgħu jikkwalifikaw bħala wirt intanġibbli. S’issa fl-Inventarju Nazzjonali tal-wirt kulturali intanġibbli hemm ukoll il-bizzilla; l-għana; is-sengħa tar-rakmu bid-deheb; l-għażżiela, il-logħba tal-brilli u l-falkunerija.

Aħbarijiet Oħra
Qorti

Ġuvni taħt l-età nżamm arrestat wara li llum tressaq quddiem il-Qorti akkużat li uża arma waqt argument familjari li fih kien involut missieru, is-sieħba ta’ missieru, u binha żgħir. L-akkużat,…

Qorti

Priġunier fil-Faċilità Korrettiva ta’ Kordin qed ikun akkużat li ħebb għal supervisor waqt li dan tal-aħħar kien qed jaqdi dmiru. Anthony Borg ta’ 36 sena llum tressaq il-Qorti taħt arrest,…

Gazzetti

Din hija ħarsa ħafifa lejn il-gazzetti ppubblikati llum il-Ħadd 18 ta’ Awwissu 2019: Fl-ewwel paġna ta’ Times of Malta insibu ritratt tas-sit fejn hu propost li jinbena kumpless ta’ garaxxijiet…

Aktar