Lokali
Il-ġabra għat-tarbija Cristiano tasal għand is-sorijiet tal-Ursolini

Il-ġenerożità tal-Maltin ħarġet fid-deher hekk kif kienu bosta dawk li offrew oġġetti tat-trabi meta raw l-appell tas-Surġent Glen Carabott għal xi affarijiet biex jingħataw lit-tarbija li sab abbandunata f’Buġibba nhar il-Ġimgħa.

Is-Surġent Carabott irrikorra għas-siti soċjali biex jittieħdu oġġetti tat-trabi fl-Għassa tal-Qawra biex jingħataw lis-sorijiet tal-Ursolini li se jkunu qed jieħdu ħsieb il-kura u t-trobbija tat-tarbija, li ngħatat l-isem inizjali ta’ Cristiano.

U l-Maltin ma qagħdux lura tant li kellu jintuża vann biex l-oġġetti kollha llum setgħu jittieħdu mill-Għassa lejn l-Istitut f’Tas-Sliema.  Fost l-affarijiet li ngħataw kien hemm push chairs, car seats, ħwejjeġ, ħrieqi, u ħalib tat-trabi fost affarijiet oħra.

It-tarbija Cristiano jinsab għand is-sorijiet, flimkien ma’ ħuh ta’ sena, wara li ħarġet ordni ta’ ħarsien għal dawn iż-żewġt aħwa.  It-tarbija ħarġet mill-isptar ilbieraħ u tinsab fi stat tajjeb ta’ saħħa.

Ara wkoll:

Cristiano nħareġ mill-isptar u ttieħed mis-sorijiet tal-Ursolini

Tħaddan magħha lil binha Cristiano – jinstab ukoll is-sieħeb tat-tfajla

Cristiano se jingħata f’idejn is-sorijiet tal-Ursolini

FILMAT ESKLUSSIV: It-tarbija abbandunata tingħata l-isem ta’ Cristiano

Aħbarijiet Oħra
Lokali

L-għada li l-Awtorità tal-Ippjanar wettqet azzjoni ta’ infurzar fuq fl-istallel fil-Marsa fejn kienu qed joqogħdu għexieren ta’ immigranti, is-sidien tagħhom jidher li żbarazzaw l-istallel. Sadanittant, TVM huwa infurmat li 37…

Lokali

Il-Mużew tal-Katidral fl-Imdina ngħata dimensjoni ġdida għax mhux ser jibqa’ biss post fejn ikunu esebiti artifatti prezzjużi iżda ser joffri opportunità ta’ tagħlim u post fejn artisti privati jesebixxu l-arti…

Ikel

Fl-Awstralja, l-ekoloġisti qed iwissu li n-numru ta’ kangaroos fis-selvaġġ m’għadux sostenibbli u qed iħeġġu lill-Awstraljani biex jieklu aktar laħam ta’ dan l-annimal li hu simbolu nazzjonali ta’ dan il-pajjiż imbiegħed….

Kultura

Għaddej b’ritmu mgħaġġel ix-xogħol ta’ restawr fil-Palazz tal-Gran Mastru fil-Belt fejn qed isir restawr fuq is-soqfa tal-kurituri u li huma mogħnija bil-pitturi. Ix-xogħlijiet ta’ restawr ser jiffukaw ukoll fuq l-art…

Aktar