Familja
Il-ġenituri Maltin l-inqas li jużaw iċ-child care fl-Unjoni Ewropea

Minkejja ż-zieda fil-ġenituri li qed jużaw is-servizz taċ-Child Care b’xejn f’Malta, statistika tal-Eurostat għas-sena li għaddiet turi li 12 fil-mija biss tal-ġenituri Maltin li għadhom irabbu lill-ulied qed jagħmlu użu mis-servizz tac-child care. Din ir-rata hija l-anqas fost il-pajjiżi tal-Unjoni Ewropea.

Fl-Ungerija u fid-Danimarka, prattikament 60 fil-mija tal-ġenituri jużaw is-servizz taċ-child care. Il-Eurostat gabar din l-istatistika mill-informazzjoni li toħroġ mil-Labour Force Survey li issir fil-pajjiżi kollha tal-Unjoni Ewropea.

Skont iċ-ċifri tal-Eurostat, 27 fil-mija tal-persuni li jaħdmu, l-aktar ommijiet li għandhom il-kura tat-tfal, adattaw ix-xogħol tagħhom biex ikunu jistgħu jużaw il-faċilitajiet taċ-child care. Aktar minn tliet kwarti tal-ġenituri Ewropej li ma jużawx is-servizzi taċ-child care qalu li għandhom arranġamenti alternattivi għat-tfal tagħhom.

Il-pubblikazzjoni tagħti ħarsa lejn il-bilanċ bejn ix-xogħol u l-ħajja tal-familja. Minnha joħroġ li fit-tmienja u għoxrin pajjiż tal-Unjoni Ewropea hemm kważi 90 miljun ruħ li qed irabbu t-tfal, 13-il miljun oħra li jieħdu ħsieb qraba anzjani jew b’diżabbiltà u erba’ miljuni oħra li jieħdu ħsieb kemm tfal kif ukoll qraba bi ħtiġijiet speċjali.

Aħbarijiet Oħra
Ambjent

Żona li fiha daqs seba’ grawnds tal-futbol, li minn wied naturali nbidlet f’miżbla, qed tingħata wiċċ ġdid biex minflok tibqa’ ġerħa fin-naħa t’isfel ta’ Malta, issir attrazzjoni. Sa wieħed u…

Kultura

Infrastructure Malta appik li tibda operazzjoni delikata, biex taqla’ sħiħ mill-blat qabar tal-perjodu Puniku-Ruman, u tpoġġih fil-ġenb ta’ triq ġdida li qed tibni f’Ħ’Attard. B’hekk din is-sejba ta’ valur arkeoloġiku,…

Immigrazzjoni

TVM jinsab infurmat li matul il-lejl li għadda, grupp ta’ madwar 90 immigrant li ġew salvati fil-Mediterran fiż-żona ta’ tiftix u salvataġġ ta’ Malta ttieħdu fuq vapur tal-Captain Morgan li…

COVID-19

Il-pandemija u r-reħi tar-restrizzjonijiet ġabu magħhom l-użu tal-maskra. Filwaqt li ħafna qed jużawha kif obbligati jagħmlu f’ħafna postijiet pubbliċi, osservajna li bosta qed jilbsu biex taparsi libsuha. Id-Direttur tad-Direttorat tal-Promozzjoni…

Aktar