Politika
Il-ġid li qed jinħoloq huwa għan li minnu ssir il-ġustizzja soċjali – il-PM

Il-Prim Ministru u mexxej tal-Partit Laburista Joseph Muscat qal li l-ġid li qed jinħoloq minnu nnifsu huwa għan u mhux mezz, li permezz tiegħu trid tinħoloq il-ġustizzja soċjali.

F’attività politika fiż-Żurrieq, Dr Muscat qal li l-Gvern qed jinvesti f’infrastruttura soċjali u proġetti favur il-ħajja. Huwa rrefera għall-proġett fejn il-Gvern ingħaqad mal-Caritas biex jinbena ċentru terapewtiku għal żgħażagħ li huma vittmi tal-abbuż tad-droga. Dr Muscat qal li s-surplus qiegħed ukoll għal dawn il-proġetti. Saħaq li din mhix kwistjoni ta’ kompassjoni iżda sitwazzjoni ta’ persuni li għandhom dritt l-għajnuna.

Il-Prim Ministru Muscat ħeġġeġ biex aktar żgħażagħ jidħlu f’karrieri li jgħinu lil ħaddieħor. Saħaq li hemm bżonn 400 infermier u mitejn spiżjar.

Dr Muscat ħeġġeġ biex matul din il-kampanja l-poplu jfittex f’li jgħaqqdu bħala poplu. Huwa qal li l-familji taw kemm-il darba risposta lil min jiżra’ l-mibgħeda. Qal li jekk ħaddieħor ser ikompli jservi lill-poplu bl-istess riċetta, ser ikollu l-istess riżultati.

Il-mexxej Laburista qal li ħaddieħor jinsab mingħajr pjan għax il-ġimgħa bdieha jitkellem fuq l-abort u għalaqha b’kwistjoni fuq dibattitu. Dr Muscat saħaq li kellu żewġ dibattiti mal-Kap tal-Oppożizzjoni, wieħed fil-bidu u ieħor lejn tmiem il-kampanja. Dr Muscat qal li Dr Delia issa jrid jiddibatti f’Xarabank. Huwa ħeġġu jikkalma u jżomm l-argumenti għal dibattitu nhar l-Erbgħa li ġej.

Il-Prim Ministru Muscat saħaq li l-kandidati tal-Partit Nazzjonalista tal-Parlament Ewropew ma kkomettewx ruħhom dwar jekk jappoġġjawx in-nominazzjoni tal-Gvern Malti għal karigi ta’ Maltin fl-istituzzjonijiet Ewropej. Qal li Gvern Nazzjonalista dejjem sab l-appoġġ mill-Ewroparlamentari Laburisti meta ġew nominati Joe Borg, John Dalli u Tonio Borg bħala Kummissarji Ewropej.

Aħbarijiet Oħra
Politika

Jidher li l-partiti għamlu ħidma akbar biex jiġu eletti aktar nisa eliġibbli għall-kandidatura anke fost il-partiti ż-żgħar fuq livell Ewropew. Il-Professur Carmen Sammut qalet li fuq livell Ewropew, il-“family friendly…

Politika

Il-Membru Parlamentari għall-Partit Laburista Alex Muscat qal li r-riżultat ta’ din l-elezzjoni tal-Parlament Ewropew huwa l-ewwel ġudizzju tal-poplu wara l-każ Egrant. Dan Alex Muscat qalu waqt il-programm Insights immexxi mill-ġurnalista…

Politika

F’kollegament dirett ma’ TVM, fuq il-programm Insights immexxi mill-ġurnalista Norma Saliba, l-uffiċjal tal-Partit Laburista Louis Gatt, qal li ħarġu xi riżultati proviżorji mill-ewwel għadd tal-voti. Dr Miriam Dalli għall-Partit Laburista…

Aktar