Turiżmu
Il-GO Malta Esports Festival qed jesponi x’toffri l-industrija tal-video games

Bejn illum u l-Ħadd qed tittella’ l-GO Malta Esports Festival, waħda mill-ikbar avvenimenti tal-esports li qatt ittellgħet fil-gżejjer Maltin.

Dan hekk kif għal dan l-avveniment hawn Malta rappreżentanti mill-komunità tal-gaming li qed jesponu l-prodotti u l-karrieri li toffri din l-industrija.

L-Awtorità tat-Turiżmu, l-MTA, qed tappoġġja dan il-festival bil-ħsieb li tkompli tesponi lil Malta bħala pajjiż li għandu potenzjal biex jospita avvenimenti kbar minn madwar id-dinja.

Il-GO Malta Esports Festival qed jittella’ fiċ-Ċentru tal-Fieri u l-Konvenzjonijiet f’Ta’ Qali u se jkollu żona għall-Expo u żona għall-Konvenzjoni tal-Karrieri.

Fi stqarrija, l-MTA qalet li avvenimenti ta’ din ix-xorta qed jgħinu lil Malta tattira swieq ġodda lejha, turisti iżgħar fl-età, u tħalli l-industrija turistika lokali għaddejja f’xhur li normalment ikunu kwieti.

Il-Ministru għat-Turiżmu Konrad Mizzi ġie kkwotat jgħid fl-istqarrija li Malta stabbiliet ruħha bħala pajjiż li jattira ditti kbar u avvenimenti internazzjonali li jvarjaw minn festivals, konferenzi, kunċerti u attivitajiet għall-familja kollha.

 

Aħbarijiet Oħra
Storja

Magna ta’ ajruplan tal-gwerra, li possibilment iġġarraf fit-Tieni Gwerra Dinija, kienet irkurprata minn qiegħ il-baħar fil-bokka tal-Port il-Kbir wara ħidma konġunta bejn l-Università ta’ Malta, Heritage Malta u l-Forzi Armati….

Teknoloġija

Wara l-ajruplani, issa anke l-vetturi bdew jiġu jiġu mgħammra b’kaxxa sewda, li normalment tkun f’nofs il-vettura. Għalkemm s’issa din mhijiex obbligatorja, aktar manifatturi tal-karozzi qed jinkluduha. Fost aktar miżuri biex…

Infrastruttura

Waħda mill-kawżi ewlenin ta’ ħruġ ta’ drenaġġ fit-triq u fil-baħar ġejja minn katusi tal-ilma tax-xita li qed jitqabbdu direttament mas-sistema tad-drenaġġ. Jirriżulta li ħafna ma jafux li dan hu l-każ…

NGOs

Seba’ għaqdiet mhux governattivi Maltin se jwettqu tmien proġetti fl-Afrika bl-għajnuna ta’ madwar nofs miljun ewro mill-programm tal-għajnuna għall-iżvilupp tal-Ministeru tal-Affarijiet Barranin. Il-proġetti jvarjaw minn skola ġdida għall-bniet f’żona rurali…

Aktar