Politika
‘Il-Grupp Parlamentari b’mod unanimu wara l-Prim Ministru’ – Partit Laburista

Fi stqarrija, il-Partit Laburista qal li l-Grupp Parlamentari ta l-appoġġ unanimu tiegħu lill-Prim Ministru Joseph Muscat, fid-deċiżjonijiet kollha li se jkun qed jieħu, wara diskussjoni ħielsa fejn il-membri kollha esprimew il-fehmiet tagħhom.

Ingħad kif “il-Grupp irriafferma l-fiduċja sħiħa fil-Prim Ministru.”

Matul il-laqgħa fil-Girgenti li damet madwar erba’ sigħat, il-Grupp Parlamentari qabel ukoll li l-ġimgħa d-dieħla jsiru seduti Parlamentari li matulhom jiġi diskuss il-każ tal-assassinju ta’ Daphne Caruana Galizi wara li persuna tressqet formalment il-Qorti akkużata li kienet il-mandant tad-delitt.

Il-Grupp irringrazzja wkoll lil Helena Dalli li temmet il-mandat Parlamentari tagħha biex issa inħatret Kummissarju Ewropew.

Fil-bidu tal-laqgħa, il-Prim Ministru ħabbar li wara l-aħħar żviluppi fil-Qorti, Chris Cardona se jirritrona immedjatament fil-kariga tiegħu bħala Ministru, u Deputat Mexxej tal-Partit Laburista.

Ara wkoll:

Chris Cardona lura fil-kariga bħala Ministru u deputat mexxej tal-PL