Ekonomija u Finanzi
Il-Gvern b’surplus ta’ €8 miljun

Fl-ewwel ħdax-il xahar ta’ din is-sena, il-Gvern kellu surplus ta’ tmien miljun ewro fil-fond konsolidat. Fl-istess perjodu tas-sena l-oħra, il-Gvern kien għad kellu żbilanċ ta aktar minn €35 miljun.

Ċifri tal-Uffiċċju Nazzjonali tal-Istatistika juru li f’dan il-perjodu d-dħul rikurrenti tal-gvern żdied bi kwazi 12 fil-mija, jew b’aktar minn €463 miljun. Iż-żieda fid-dħul ġiet minn diversi sorsi fosthom dħul aktar ta’ €121 miljun mill-għotjiet li rċieva l-Gvern.

L-Uffiċċju Nazzjonali tal-Istatistika rraporta wkoll li nefqa tal-Gvern fl-ewwel ħdax-il xahar tas-sena żdiedet b’10.6%. Jirriżulta li n-nefqa rikurrenti żdiedet bi kważi €387 miljun u bi kważi €45 miljun oħra għal proġetti kapitali, bl-akbar nefqa kienet għal xogħlijiet fuq it-toroq.

Mill-istess ċifri finanzjarji tal-Gvern joħroġ li l-imgħax fuq id-dejn naqas b’aktar minn ħdax-il miljun ewro meta mqabbel mal-istess ħdax-il xahar tas-sena l-oħra, għalkemm id-dejn tal-Gvern żdied bi kważi €106 miljun meta mqabbel ma’ Novembru tas-sena l-oħra.

Aħbarijiet Oħra
Politika

Jum il-Ħelsien serva ta’ sfond għall-messaġġ tal-Kap tal-Oppożizzjoni u tal-Partit Nazzjonalista Adrian Delia, li kien fuq l-istess linja ta’ ħsieb tal-messaġġ tal-bieraħ tal-Prim Ministru u mexxej Laburista Robert Abela. F’messaġġ…

Lokali

Malta fakkret il-festa nazzjonali ta’ Jum il-Ħelsien, il-ġrajja li tfakkar it-tluq tas-servizzi Ingliżi u t-tmiem ta’ Malta sservi bħala bażi militari. Il-41 anniversarju mill-ġrajja tal-31 ta’ Marzu 1979 kellu jgħaddi…

Lokali

Il-Professur Charmaine Gauci, barra tgħallem dwar il-qasam tas-saħħa pubblika fl-Università ta’ Malta, hija wkoll is-Supertendent għas-Saħħa. Hija speċjalizzat fl-oqsma tas-saħħa pubblika, l-epidemoloġija u l-mard infettiv kif ukoll nediet kampanja dwar…

Avjazzjoni

Transport Malta irrifjutat l-ajruplan Spanjol A330-202, għaliex l-ajruplan ried jibqa’ fl-ajruport. Dan qalu l-Ministru għat-Trasport Ian Borg fuq il-midja soċjali, li qal li l-permess ma ngħatax anki fl-isfond li bħalissa…

Aktar