Lokali
Il-Gvern iħabbar li minn April se tibda topera l-Qorti tal-Kummerċ

Il-Ministru tal-Ġustizzja Owen Bonnici ħabbar li mix-xahar id-diehel ser jibda jaħdem il-Qorti tal-Kummerċ. Qal li dan se jsir bi qbil mal-ġudikatura u wara liġi li għaddiet mill-Parlament. Hu kien qed jindirizza l-avukati l-ġodda li ngħataw il-warrant biex jibdew jipprattikaw il-professjoni tagħhom.

156 avukat ġdid u ħames prokuraturi legali ngħataw il-warrant biex jibdew il-prattika professjonali tagħhom fil-qrati tal-ġustizzja. Fiċ-ċerimonja, il-Ministru tal-Ġustizzja Owen Bonnici fisser il-Qrati bħala l-hand break fuq l-eżekuttiv u appella lill-avukati l-ġodda sabiex ikunu leali lejn il-ġustizzja, lejn dak li huwa sewwa u lejn il-pajjiż filwaqt li ħeġġihom jieħdu parir bl-infanzja tal-professjoni tagħhom.

Il-Prim Imħallef Silvio Camilleri fakkarhom li l-warrant hu ċertifikat li huma affidabbli u għalhekk qal irid isir skrutinju tajjeb ta’ min jaspira li jidħol f’din il-professjoni. Qal li għemil ħażin u skorret ta’ avukat jista’ jwassal għar-rovina tan-nies. Wissa kontra r-regħba għal flus u appellalhom sabiex ikunu fuq quddiem nett biex jissalvagwardjaw is-saltna tad-dritt.

Kelma wkoll mingħand l-Avukat Ġenerali Peter Grech li ħeġġeġ biex jibqgħu jaġġornaw ruħhom mal-liġijiet.

Il-President tal-Kamra tal-Avukati, George Hyzler waqt li laqa’ lill-avukati l-ġodda spjega għaliex il-Kamra tal-Avukati oġġezzjonat li jingħata dan il-warrant lil żewġ avukati ġodda.

Aħbarijiet Oħra
Lokali

Il-kunstistabbli Simon Schembri llum kien fost dawk onorati bil-Midalja għall-Qadi tar-Repubblika waqt ċerimonja ppreseduta mill-President ta’ Malta Marie Louise Coleiro Preca. Schembri tilef parti minn driegħu u għal xi ħin…

Ġurnali

In-Nazzjon: Fuq il-faċċata, kif qed jagħmlu ħafna mill-ġurnali tal-lum, ritratt tal-Prim Ministru Ingliża Theresa May li lbieraħ irnexxielha ssalva minn vot ta’ sfiduċja kontriha fil-partit konservattiv b’200 vot favur u…

Lokali

Matul il-ġurnata il-PBS se jiftaħ il-bibien tiegħu għas-segwaċi tal-programmi tat-tv u tar-radju biex ikollhom l-opportunità jaraw l-istudjos minn fejn jixxandru l-programmi u jiltaqgħu mal-preżentaturi u atturi li tant jammiraw. Fosthom…

Kronaka

Żewġt irġiel indarbu meta ttajru minn vettura f’B’Kara. L-inċident seħħ għall-ħabta tas-1.30am, bil-Pulizija ġiet infurmata li kien hemm bżonn l-assistenza tagħha fi Triq Dun Karm, Birkirkara. Il-Pulizija tad-Distrett marru fuq…

Aktar