Politika
Il-Gvern ittappan b’kull mod possibbli u qed jibqa’ għaddej bil-korruzzjoni – il-Kap tal-PN

Il-Kap tal-Partit Nazzjonalista Adrian Delia qal li fil-jum internazzjonali kontra l-korruzzjoni, ifakkar li f’Malta l-Gvern mhux biss ittappan b’kull mod possibbli, imma qed jibqa’ għaddej bil-korruzzjoni, proġett wara l-ieħor. Dr Delia qal li l-fatt li l-Prim Ministru Joseph Muscat joħroġ jgħid li hu kuntent bir-rapport tal-Awditur fuq il-powerstation il-ġdida, huwa garanzija li l-Gvern se jibqa’ għaddej bil-korruzzjoni.

Intervistat fuq NET FM, il-Kap tal-Partit Nazzjonalista Adrian Delia qal li dan il-Gvern ittappan bil-korruzzjoni b’kull mod possibbli. Huwa qal li issa anke qed jiċħad rapporti li juru din il-korruzzjoni. Qal li l-fatt li l-Gvern qed jgħid li r-rapport tal-Awditur dwar il-powerstation il-ġdida jagħtih ċertifikat tajjeb, hu garanzija li fi proġett wara l-ieħor, il-Gvern se jibqa’ għaddej bil-korruzzjoni. Dr Delia qal li dan ifisser li n-negozjanti f’Malta mhumiex trattati l-istess, u jekk ma jkollhomx l-għajnuna ta’ xi Ministru, jkunu ċittadini tat-tieni klassi. Qal li Gvern li suppost huwa tal-ħaddiema u l-vulnerabbli, qiegħed jitħanżer minn fuq dahar il-poplu.

Dwar il-mozzjoni parlamentari li l-Oppożizzjoni ressqet fuq il-qtil ta’ Daphne Caruana Galizia, il-Kap Nazzjonalista qal li kull attakk ta’ vjolenza u qtil huwa kundannabbli, u meta jkun qtil ta’ ġurnalista jfisser li ġiet attakkata wkoll il-libertà tal-espressjoni u tal-libertà tal-ħsieb. Dr Delia qal li l-libertà tal-espressjoni hija wkoll li meta wieħed ikun fuq il-post tax-xogħol u jesprimi l-ideat tiegħu, ma ssirx inġustizzja miegħu. Huwa qal li dawn huma l-pedamenti ta’ soċjetà demokratika u qal li meta dan il-prinċipju jitrażżan ifisser li d-demokrazija hi mhedda.

Il-Kap Nazzjonalista qal li l-Partit Nazzjonalista mhuwiex il-partit li jaħtaf il-postijiet mingħand in-nies, ma jabbużax mill-poter, ma jittrattax it-teżor tal-pajjiż daqslikieku huwa tiegħu u ma jbillx subgħajh fil-flus tan-nies. Tenna li l-Partit Nazzjonalista jrid jerġa jkun il-partit tan-nies.

Aħbarijiet Oħra
Lokali

Inqas minn tliet xhur wara li ġie fi tmiemu s-Sinodu tal-Isqfijiet dwar iż-Żgħażagħ, eluf ta’ żgħażagħ qed jinġabru fil-Panama għall-Jum Dinji taż-Żgħażagħ. Il-Papa Franġisku jasal il-Panama għada bil-qofol taċ-ċelebrazzjonijiet jintlaħqu…

Ikel

Fl-isfond tal-kontroversja li bdiet wara s-servizz tal-aħbarijiet ta’ TVM mal-Imam Mohammad Elsadi, dwar il-qtil tal-annimali bir-ritwal Musulman, komplejna nsegwu l-kwistjoni. Mhux eskluż li l-qtil tal-annimal bis-sistema tal-halal, għalkemm mhux isir…

Trasport

Is-sidien tal-pompi tal-petrol bdew b’azzjonijiet industrijali minħabba nuqqas ta’ ftehim mal-Gvern dwar it-talba għal żidiet fil-qligħ tagħhom. L-azzjoni ewlenija hi li l-pompi mhux se joffru s-servizz mill-magni awtomatiċi wara s-sitta…

Familja

Matul is-sena li għaddiet kien hemm xejn inqas minn 1,303 koppji li żżewġu fuq cruise liner li jtajjar il-bandiera Maltija. Din l-informazzjoni ngħatat fil-Parlament mill-Prim Ministru Joseph Muscat għall-mistoqsija tad-Deputat…

Aktar