Lokali
Il-Gvern jaċċetta proposta biex l-għadd ta’ embrijuni ffriżati f’kull ċiklu jkunu determinati bi qbil bejn min jagħmel l-IVF u t-tim multidixxiplinarju

Id-deputat Prim Ministru u Ministru tas-Saħħa Chris Fearne aċċetta proposta tad-Deputat Nazzjonalista Maria Fatima Deguara biex il-liġi tal-Protezzjoni tal-Embrijuni tkun emendata biex l-għadd ta’ embrijuni ffriżati f’kull ċiklu jkunu determinati bi qbil bejn il-persuni li jagħmlu l-IVF u t-tim multidixxiplinarju taħt il-gwida tal-Awtorità għall-Protezzjoni tal-Embrijuni, iżda f’kull każ ma jistgħux jiġu ffertilizzati aktar minn ħames embrijuni.

Dr Fearne ħabbar dan fil-kumitat Parlamentari għall-konsiderazzjoni tal-liġijiet. Il-Kelliem tal-Oppożizzjoni Claudio Grech jgħid li l-Oppożizzjoni ma kinitx qed taqbel u riedet tara l-emenda.

Il-Ministru Fearne qal li dwar din l-emenda se jressaq il-protokoll li jirregola din il-proċedura għall-approvazzjoni tal-Kumitat Parlamentari tas-Saħħa.

Aktar qabel il-Kelliem għas-Saħħa tal-Oppożizzjoni Stephen Spiteri stqarr li huwa fatt mediku li s-suċċessi tal-IVF jiżdiedu bl-iffriżar tal-embrijuni. Huwa qal li jista’ jintlaħaq kompromess biż-żewġ naħat jassiguraw li l-embrijuni ffrizati ma jiġux esposti għall-periklu.

Il-Minsitru Fearne ressaq ukoll emenda ġdida li biha embrijuni ffriżati barra l-pajjiż ta’ persuni Maltin jinġiebu Malta biex jingħataw iċ-ċans li jsiru ħajjiet.

It-tabib Schembri Wismayer ġenetista u lettur fl-Università ta’ Malta spjega li r-rata ta’ suċċess fit-twelid bil-proċess tal-IVF niżel għal 20 minn 29% fl-aħħar sentejn minħabba li l-awtoritajiet mediċi qed jiltaqgħu ma’ każijiet aktar diffiċli ta’ nies li ma jistax ikollhom tfal.

Id-Deputat Fearne wieġeb li l-Gvern qed iressaq din il-liġi biex jgħin lil dawn il-koppji.

It-tabib Michael Axiaq qal li l-emendi dwar l-iffriżar tal-embrijuni jmorru kontra l-Kostituzzjoni minħabba li l-esperti mediċi jużaw l-aħjar embrijuni biex jiġu mpjantati fil-ġuf tal-omm waqt li dawk dgħajfa jiġu skartati b’mod li dan għandu jitqies ta’ theddida għall-ħajja.

Aħbarijiet Oħra
Għawdex

Il-Ministru għal Għawdex Justyne Caruana inawgurat sezzjoni ġdida ddedikata speċifikament għall-qtates fil-kumpless tal-Animal Welfare. Il-Ministru Caruana qalet li din is-sena sar investiment bla preċedent f’din it-taqsima kemm mil-lat ta’ riżorsi…

Qorti

Raġel li kien akkużat li seraq 3 karozzi fi ħmistax u ħabat b’waħda minnhom inżamm arrestat. Kevin Joseph Camilleri, ta’ 39 sena mill-Għargħur wieġeb mhux ħati quddiem il-Maġistrat Ian Farrugia….

Kronaka

Amerikan li kien fi triqtu minn Malta lejn l-Istati Uniti, ġie arrestat fl-Ajruport Internazzjonali ta’ Malta, iġorr ammont ta’ munizzjon fil-hand-luggage li kien se jtella’ miegħu fuq l-ajruplan. Fi stqarrija,…

Ambjent

Il-ġejjieni tal-bajjiet bil-bandiera l-bajda jidher inċert wara li fl-aħħar jiem tqanqlu suspetti fuq l-iskop tal-organizzaturi Kroati ta’ din l-inizjattiva li għandha l-għan li tiddikjara bajjiet ħielsa mill-plastik. Il-Ministeru tal-Ambjent li…

Aktar