Lokali
Il-Gvern jgħid li jinsab determinat li jieħu azzjoni kontra attivitajiet relatati ma’ ħasil ta’ flus u finanzjament ta’ terroriżmu

Il-Gvern qal li jinsab determinat jippreveni, jintraċċa u jieħu azzjoni kontra attivitajiet relatati ma’ ħasil ta’ flus u finanzjament ta’ terroriżmu waqt li se jieħu nota u jimplimenta r-rakkomandazzjonijiet li se jagħmel il-kumitat tal-Kunsill tal-Ewropa dwar il-prevenzjoni tal-ħasil ta’ flus, Moneyval.

Il-Gvern waqt li nħass diżappuntat li rapport kunfidenzjali tal-Moneyval li għadu mhux finalizat ġie żvelat minn ġurnal lokali qabel m’għandu jiġi ppubblikat f’Settembru li ġej.

Il-Gvern Malti qal li se jimplimenta r-rakkomandazzjonijiet li ser isiru fir-rapport tal-Moneyval – il-kumitat tal-Kunsill tal-Ewropa dwar il-prevenzjoni tal-ħasil ta’ flus. Żied uħud li wħud mir-rakkomandazzjoni diġà qed jitwettqu.

F’rapport fil-mezzi tax-xandir li l-Gvern qal li xxandar meta għadu ma ġiex ippubblikat uffiċjalment, intqal li l-kumitat tal-Kunsill tal-Ewropa ta lill-Gvern Malti sena ċans biex jirregola ruħu fuq kontrolli kontra l-ħasil ta’ flus jew possibilment jiffaċċja riskju ta’ blacklisting.

L-iskrutinju fuq medda ta’ sena sar mill-Kumitat ta’ Esperti u Evalwazzjoni ta’ Miżuri Kontra l-Ħasil tal-Flus li hu huwa responsabbli mill-iskrutinju tal-proċessi użati fil-ġlieda kontra l-ħasil tal-flus f’47 pajjiż-membru tal-Kunsill tal-Ewropa u jirraporta direttament lill-Kumitat tal-Ministri tal-Kunsill tal-Ewropa.

Fi stqarrija, il-Ministeru tal-Finanzi qal li Malta hija impenjata li tipprevjeni, tintraċċa u tieħu passi kontra attivitajiet relatati ma’ ħasil ta’ flus u finanzjament tat-terroriżmu.

Il-Ministeru waqt li esprima d-diżappunt tiegħu li r-rapport ġie żvelat qabel intemm il-proċess formali, qal li l-Gvern se jimplimenta r-rakkomandazzjonijiet li saru fir-rapport tal-Moneyval u li se jiżdiedu ma’ għadd ta’ inizjattivi li diġa bdew jittieħdu bħala parti mill-istrateġija nazzjonali kontra l-hasil tal-flus.

Fi stqarrija oħra, il-kelliema tal-Partit Nazzjonalista Mario De Marco u Kristy Debono qalu li l-konsegwenzi tar-rapport huma serji ħafna fuq is-settur tas-servizzi finanzjarji u sejħu lill-Gvern jiċċara x’passi se jieħu biex jindirizza n-nuqqasijiet identifikati fir-rapport. Qalu li wieħed mill-aktar fatturi inkwetanti hu l-kollass tal-istituzzjonijiet nazzjonali li suppost jiġġieldu l-ħasil tal-flus u li fi kliemhom fallew milli jaqdu dmirijietjom. Il-kelliema tal-Oppożizzjoni qalu li dan l-iżvilupp hu konferma oħra tar-rekord tal-Ministru Edward Scicluna li qalu li naqas milli jipproteġi s-settur tas-servizzi finanzjarji.

Aħbarijiet Oħra
Xogħol

Mal-bidu tas-sajf, l-aktar meta t-temperaturi jibdew jaqbżu t-30 grad celsius, tiżdied id-domanda għas-sistemi tal-arja kkundizzjonata. L-assoċjazzjoni tal-importaturi tas-sistemi tal-arja kkundizzjonata ffurmata minn disa’ importaturi qed isib diffikultà biex issib ħaddiema…

Annimali

Waħda miż-żewġ ċifiet li ġimagħtejn ilu ġew salvati wara li tgħaqqdu fi xlief mormi fil-baħar, inħelset lura fl-ambjent naturali tagħha. Birdlife Malta qalet li għalkemm kienu fortunati li ż-żewġ ċifiet…

Saħħa

Aktar minn 40 siegħa f’ġimgħa fil-post tax-xogħol u ammont kbir ta’ xogħol huma fost il-fatturi ewlenin li waslu biex żewġ terzi tal-ħaddiema li ħadu sehem fi stħarriġ lokali qalu li…

Ippjanar u bini

Erba’ għaqdiet mhux governattivi b’interessi ambjentali laqgħu regolamenti aktar stretti fir-riforma proposta tal-politika rurali. L-Assoċjazzjoni tar-Ramblers; Flimkien għal Ambjent Aħjar; Friends of the Earth; u Moviment Graffitti nnotaw b’sodisfazzjon li…

Aktar