Lokali
Il-Gvern jgħid li nomina tal-PD għal membru kontra l-korruzzjoni ma tistax tiġi kkunsidrata

Il-Gvern fi stqarrija qal li n-nomina tal-Partit Demokratiku għal membru tal-Kummissjoni Permanenti Kontra l-Korruzzjoni ma tistax tiġi kkunsidrata għaliex m’għandiex bażi legali skont il-Kostituzzjoni ta’ Malta.

L-istqarrija tkompli tgħid li l-artikolu 3 (1) tal-Att dwar il-Kummissjoni Permanenti Kontra l-Korruzzjoni jipprovdi li l-membri tal-Kummissjoni jridu jinħatru mill-President ta’ Malta li taġixxi fuq il-parir tal-Prim Ministru wara konsultazzjoni mal-Kap tal-Oppożizzjoni.

Bħala prassi, kompliet tgħid l-istqarrija, il-Kap tal-Oppożizzjoni jinnomina persuna hu għal din il-Kummissjoni. Il-Gvern qal li qed jistenna n-nomina tal-Kap tal-Oppożizzjoni li naqas milli jinnomina din il-persuna.

Il-Gvern tenna li l-premessa tal-istqarrija tal-Partit Demokratiku li l-Gvern irrifjuta n-nomina tal-Partit Demokratiku hija żbaljata.

Aħbarijiet Oħra
Mużika

Michelle Paris hija mużiċista u kompożitiriċi li l-passjoni kbira li għandha għall-mużika tradizzjonali Irlandiża ddistingwietha bir-rebħ ta’ midalji prestiġjużi lil hinn minn xtutna. Il-mużika tradizzjonali Irlandiża għandha għeruq li jmorru…

Kultura

Il-Feniċi – poplu mil-Lvant Nofsani li waqfu kolonja tagħhom f’Malta fl-ewwel millenju Qabel Kristu. Iċ-ċiviltà Feniċja kienet waħda bbażata fuq il-kummerċ marittimu li firxet tul il-Baħar Mediterran u dan jistgħu…

Stejjer Umani

Iċ-ċkejken Katriel Zahra tant maħbub għall-ispirtu altruwist tiegħu minkejja li jbati minn kundizzjoni rari, dalgħodu wettaq ħolma oħra li kellu, li jaqta’ x-xagħar ta’ tifel bħalu b’risq il-Malta Community Chest…

Knisja Maltija

L-Azzjoni Kattolika Maltija għaddejja bi proġett biex dar li għandha f’Ħal Balzan tinbidel f’post li tkun tista’ tagħti kenn lill-familja jew persuni li għal xi raġuni jew oħra jispiċċaw ma…

Aktar