Immigrazzjoni
Id-dgħajjes li jaqsmu l-Mediterran iqanqlu battibekki ġodda bejn Malta u l-Italja

Il-Gvern Malti qal li n-numru ta’ dgħajjes li qed jaqsmu l-Baħar Mediterran u li saret referenza għalihom mid-Deputat Prim Ministru Taljan u Ministru għall-Intern Matteo Salvini, mhumiex każijiet ta’ tiftix u salvtaġġ.

Fi stqarrija, il-Gvern qal li f’kull każ, l-awtoritajiet Maltin, japplikaw il-konvenzjonijiet. Żied jgħid li l-konvenzjonijiet ma jħallux lill-awtoritajiet jinterċettaw bilfors dgħajjes li ma jkunux fil-ġurisdizzjoni tal-pajjiż.

Qal li kwalunkwe ndħil ’il barra mit-territorju f’każ li ma tintalabx għajnuna jkun meqjus bħala illegalità. Il-Gvern irrefera għal tweet li għamel il-Ministru Salvini fejn ammetta li d-dgħajjes imsemmija mhumiex jaffaċċjaw diffikultajiet tul il-vjaġġ tagħhom.

Il-Gvern esprima tħassib dwar kif għal darb’oħra, l-awtoritajiet Taljani qed jirrikorru għal tattiċi irregolari biex jippruvaw jaħarbu mir-responsabiltajiet tagħhom.

Aħbarijiet Oħra
Qorti

Shamison Stafrace minn Bormla tressaq il-Qorti akkużat b’hold up f’ħanut f’Raħal Ġdid fis-16 ta’ April li għadda. Il-Pulizija xlietu b’serq aggravat, li żamm persuna kontra l-volontà tagħha u li fera…

Mużika

Jumejn konsekuttivi ta’ kunċerti b’xejn fuq il-Fosos tal-Floriana b’inizjattiva tal-Awtorità tat-Turiżmu: għada mill-kantant tal-band Ingliża Oasis, Liam Gallagher, . . . u llejla mill-BBC Concert Orchestra b’kunċert ta’ mużika klassika…

Immigrazzjoni

Il-Partit Nazzjonalista qal fi stqarrija li l-Gvern qed ikompli juri li m’għandux pjan bil-politika tiegħu ta’ immigrazzjoni qawwija. Qal li sejbiet bħal ta’ dalgħodu fil-Marsa huma prova ta’ immigranti li…

Infrastruttura

Il-Kamra tar-Rappreżentanti approvata riżoluzzjoni biex jinbidlu kundizzjonijiet f’kuntratti li kienu saru bejn il-Gvern u l-kumpanija Fortel – sid tal-lukanda Fortina fis-snin disgħin u fis-sena 2000. Ir-riżoluzzjoni kienet approvata wara li…

Aktar