Ekonomija u Finanzi
Il-Gvern kellu surplus fil-finanzi iktar milli kien imbassar

Fl-evalwazzjoni tiegħu għar-rapport annwali tal-Ministeru tal-Finanzi, il-Kunsill Fiskali Konsultattiv innota li t-tkabbir nominali tal-Prodott Gross Domestiku għas-sena l-oħra kien ogħla mill-previżjonijiet li kienu saru f’Ottubru tal-2016 u f’April tal-2017. Il-Kunsill Konsultattiv innota li l-Gvern qed ikun kawt fl-istimi tiegħu.

L-ekonomista ewlieni tal-Kunsill Fiskali Konsultattiv, Malcom Bray, qal li waqt li l-Prodott Domestiku Gross għas-sena li għaddiet kien ogħla minn dak previst mill-Gvern. Dwar l-infiq tal-Gvern, qal li bejn l-2015 u l-2017, ma kien hemm l-ebda diskrepanza sinifikanti fit-tbassir tal-infiq.

L-ekonomista ewlieni – fil-Kunsill Fiskali Konsultattiv, Malcom Bray qal “2017 l-ekonomija kibret ferm iktar milli prevvist mill-Gvern, around 9.1% termini nominali waqt li l-previżjonijiet kienu ta’ tkabbir ta’ 6%. Raguni minnhom hi li l-Gvern dejjem jibqa’ kemm jista’ jkun kawt meta jagħmel il-previżjonijiet biex ma jkunx ottimist iż-żejjed. Aħna rajna dawn il-previżjonijiet u anke meta tħares matul is-snin jidher li huma ta’ kwalità tajba.”

Mistoqsi x’kienu r-raġunijiet li waslu biex il-Gvern kellu surplus fil-finanzi iktar milli kien imbassar, is-Sur Bray qal li dan kien dovut għal bosta fatturi fl-ekonomija “jekk inħarsu min-naħa tad-dħul, il-profitti tal-kumpaniji kienu ferm iktar milli mistennija, u s-suq tax-xogħol, iġġenera tkabbir fil-postijiet tax-xogħol iktar milli previst.”

L-ekonomista Bray qal li l-Kunsill innota li fl-aħħar snin, id-dħul tal-Gvern kien aktar minn dak li kien ibassar, kif ġara wkoll fl-infiq li kien aktar minn dak mistenni. Żied li madankollu, il-bilanċ fiskali qed jintlaħaq.

“Ir-rakkomdanzajoni tagħna hi li meta l-Gvern jalloka l-flus għall-affarijiet varji tiegħu jkun ċert li dawk il-flus huma biż-żejjed biex is-servizzi pubbliċi mistennija mill-Gvern ikunu ffundjati tajjeb, hemm il-flus diġà allokati” qal is-Sur Bray.

Dan l-eżerċizzju hu parti mix-xogħol ewlieni tal-Kunsill li twaqqaf fl-2015, skont qbil fl-Unjoni Ewropea bil-għan li l-pajjiżi membri jkollhom għassies fuq il-budgets tal-Gvern biex ma jergax jiġri kif ġara fil-Greċja li kienet f’xifer ta’ falliment li kieku ma daħlitx għaliha l-Unjoni Ewropea.

Aħbarijiet Oħra
Qorti

Tressaq it-tielet raġel il-Qorti b’rabta mal-ġlieda bejn seba’ persuni nhar il-Ħadd li għadda f’Ħaż-Żabbar. Stephen Vella ta’ 46 sena mill-Birgu, ġie mixli li b’attentat ta’ feriti gravi fuq pulizija, li…

Kronaka

Tliet persuni li lbieraħ waranofsinhar daħlu f’ħanut tal-fajjenza fil-Ħamrun jidher li kienu kompliċi biex jisirqu għadd ta’ oġġetti. Kienu ftit qabel is-1.30pm meta fil-ħanut daħlu mara u raġel, segwiti ftit…

Qorti

Ġuvni Malti weħel 4 snin priġunerija f’ħabs fil-Polonja wara li kien involut f’hit and run. Il-ġuvni, magħruf fil-qorti bħala Piero C, is-sena l-oħra, fl-età ta’ 17-il sena kien qed isuq…

Edukazzjoni

L-Aġenzija Nazzjonali tal-Litteriżmu b’kollaborazzjoni mal-Malta Football Association organizzat ċelebrazzjoni fl-Istadium Nazzjonali Ta’ Qali fl-okkażjoni ta’ tmiem ir-raba’ ċiklu tal-programm ‘Bil-Qari u l-Kitba Niskorja’ Footballers’ Read and Write Programme’. F’din l-attività,…

Aktar