Unjoni Ewropea
Il-Gvern Malti jinnomina tliet kandidati għall-Qorti Ewropea

Il-Gvern ħabbar li nnomina tliet kandidati għall-Qorti Ewropea tad-Drittijiet tal-Bniedem, hekk kif it-terminu tal-Imħallef Vincent A. De Gaetano se jiġi fi tmiemu lejn l-aħħar ta’ Settembru ta’ din is-sena.

Fi stqarrija l-Ministeru għall-Ġustizzja qal li t-tliet kandidati, li l-għażla tagħhom saret wara sejħa pubblika, huma l-Avukat Dr Victoria Buttiġieġ, l-Imħallef Abigail Lofaro u l-Imħallef Lorraine Schembri Orland.

Abbażi ta’ dawn in-nomini tal-Gvern Malti, jibda proċess minn entitajiet konċernati biex l-Assemblea Parlamentari tal-Kunsill tal-Ewropa taħtar l-Imħallef Malti għall-Qorti Ewropea tad-Drittijiet tal-Bniedem.

Il-kandidat li jkun kiseb maġġoranza assoluta tal-voti mitfugħa mill-membri tal-Assemblea Parlamentari tal-Kunsill tal-Ewropa jiġi ddikjarat elett bħala l-Imħallef Malti f’din il-Qorti.

Ir-riżultati tal-elezzjoni jitħabbru b’mod pubbliku mill-President tal-Assemblea Parlamentari tal-Kunsill tal-Ewropa.

Il-Gvern irringrazzja lill-Imħallef Vincent De Gaetano għas-servizz u għax-xogħol siewi tiegħu fil-Qorti Ewropea tad-Drittijiet tal-Bniedem, fi Strasburgu.

Aħbarijiet Oħra
Stejjer Umani

F’aktar minn ħamsin sena, l-Għaqda Alkoħoliċi Anonimi għenet mijiet ta’ persuni bi problema ta’ xorb żejjed, u ħafna drabi anke lill-qraba tagħhom permezz tal-AL-ANON. TVM tkellem ma’ raġel li 27…

Infrastruttura

Għaddejin l-aħħar tħejjijiet għat-tlestija ta’ Triq Ħal Luqa, li hija l-arterja ewlenija bejn Santa Luċija u Ħal Luqa. Bejn it-Tlieta filgħodu u l-Erbgħa waranofsinhar, it-triq se tingħalaq f’direzzjoni waħda sakemm…

Trasport

Matul l-aħħar snin, Transport Malta flimkien mal-Ministeru tat-Trasport nedew diversi skemi fuq ix-xiri ta’ mezzi tat-trasport biex jonqos it-tniġġis tal-arja. Tnejn mill-iskemi li qed jagħtu riżultati huma għax-xiri tal-karozzi elettriċi…

Annimali

Uffiċjali u membri tal-FKNK żaru l-Iskola Primarja ta’ Ħ’Attard fejn indirizzaw it-tfal li bħalissa qed jattendu Skola Sajf. Il-membri kellhom magħhom Kelb tal-Kaċċa ta’ Malta u Kelb tal-Fenek, bit-tfal li…

Aktar