Lokali
Il-Gvern Malti jirribatti lill-Italja – Malta tibqa’ responsabbli għall-SAR tagħha

Żvolta oħra fil-kwistjoni bejn Malta u l-Italja dwar l-immigrazzjoni fil-Mediterran.

Il-Gvern Malti wieġeb għal dikjarazzjoni tal-Ministru Taljan Danilo Toninelli li qal li Malta m’għandhiex il-ħila tieħu ħsieb iż-Żona ta’ Tiftix u Salvataġġ tagħha u f’dan il-każ l-Italja lesta teħodha taħt il-kontroll tagħha.

Il-Gvern Malti fi stqarrija qal li dikjarazzjoni bħal din m’għandha l-ebda bażi legali u politika u turi li l-Ministru Taljan huwa infurmat ħażin jew inkella jrid jaqla’ kontroversja għalxejn. Fl-istqarrija l-Gvern Malti qal li qed jinterpreta l-kummenti tal-Ministru Taljan bħala attentat bla bażi u frivolu biex tintrifes is-sovranità ta’ pajjiż ġar.

Il-Gvern qal li Malta tonora l-obbligi kollha tagħha inkluż dawk dwar iż-Zona ta’ Tiftix u Salvataġġ. Fl-aħħar snin Malta investiet il-miljuni tal-ewro biex ittejjeb l-apparat li biex tikkordina dak kollu li jiġri f’din iż-żona. Il-Gvern insista li Malta qatt ma injorat każ wieħed li seħħ fiż-żona li hija responsabbli minnha filwaqt li ċċara li ma jirċievi l-ebda fondi biex jikkontrolla u jieħu ħsieb iż-Żona ta’ Tiftix u Salvataġġ kif allega il-Ministru Taljan.

Aħbarijiet Oħra
Mużika

Malcolm Pisani nieda s-single ġdida bl-isem ‘RISE’, kanzunetta li hi ddedikata lill-Fondazzjoni Rise. B’din il-kanzunetta, Malcolm jixtieq iwassal messaġġ li jekk fil-ħajja tħossok imkisser u bla tama, m’għandekx taqta’ qalbek….

Qorti

Steven Jones ta’ 50 sena mir-Renju Unit tressaq il-Qorti akkużat li fit-23 ta’ Mejju għamel danni fuq il-proprjetà privata f’San Ġiljan waqt li kien fis-sakra. Huwa ammetta l-akkużi u ngħata…

Lokali

7 sigaħt ilu fetħu l-postijiet tal-votazzjoni tal-Parlament Ewropew u tal-Kunsilli Lokali. Matul dan il-ħin kienu diversi li marru jivvutaw fosthom il-President George Vella, il-Prim Ministru Joseph Muscat u l-Kap tal-Oppożizzjoni…

Aktar