Lokali
“Il-Gvern mhux se jistrieħ qabel jinstab il-moħħ wara l-qtil ta’ DCG” – Owen Bonnici

Il-Ministru għall-Ġustizzja, Owen Bonnici, qal li l-Gvern Malti mhux se jistrieħ qabel jinstab il-moħħ wara l-qtil ta’ Daphne Caruana Galizia. F’laqgħa tal-Kumitat Speċjali dwar reati finanzjarji u skartar tat-taxxa tal-Parlament Ewropew, il-Ministru Bonnici qal li diġà tressqu 3 persuni quddiem il-Qrati Maltin li qed ikunu akkużati bil-qtil ta’ Daphne Caruana Galizia.

Mistoqsi għaliex Keith Schembri u l-Ministru Konrad Mizzi għadhom ma rreżenjawx mill-pożizzjoni tagħhom, il-Ministru Bonnici qal li ż-żewġ inkjesti li ġew ippubblikati kkonkludew li l-allegazzjonijiet li saru fil-konfront tagħhom, ma kinux veritieri.

Dwar min hu s-sid tal-kumpanija 17 Black, il-Ministru Bonnici qal li bħalissa għaddejja inkjesta dwar din il-kumpanija u bħala Ministru ma jkunx jaf id-dettalji tal-investigazzjoni. Hu tenna li l-fiduċja tiegħu fil-Qrati Maltin u qal li għandhom jitħallew jagħmlu xogħolhom fis-serenità.

Il-Ministru Bonnici elenka għadd ta’ liġijiet li għadda l-Gvern biex jirriforma fil-ġustizzja fosthom bil-liġi tal-preskrizzjoni għal reati mwettqa mill-politiċi, il-liġi tal-finanzjament tal-partiti, il-liġi tal-whistleblower u t-twaqqif ta’ kumitat parlamentari li jiskrutinizza nies magħżula biex imexxu l-awtoritajiet regolatorja f’Malta.Dr Bonnici rrefera wkoll għat-twaqqif ta’ kumitat li bih jintgħażlu l-membri tal-ġudikatura.

Dwar il-programm ta’ ċittadinanza b’investiment, Dr Bonnici qal li l-persuni li japplikaw għaċ-ċittadinanza jgħaddu minn għarbiel rigoruż. Spjega li l-programm ta’ Malta hu wieħed mill-ftit programmi li jesiġi li l-persuna li takkwista ċ-ċittadinanza jkollha preżenza fiżika f’Malta. Il-Ministru Bonnici qal li biex ikun hemm it-trasparenza, Malta hi waħda mill-ftit pajjiżi Ewropej li tippubblika l-ismijiet tal-persuni li kisbu ċ-ċittadinanza.

Preżenti għal-laqgħa kien hemm Matthew Caruana Galizia, li allega li t-tliet akkużati bil-qtil ta’ Daphne Caruana Galizia lagħbu aktar minn nofs miljun fil-casinos ta’ Yorgen Fenech, li allegatament huwa s-sid tal-kumpanija 17 Black. Hu appella biex jitwaqqaf tim magħmul minn membri tal-Europol biex jinvestiga l-allegat korruzzjoni tal-Ażerbajġan madwar l-Ewropa.

Aħbarijiet Oħra
Lokali

Il-Kummissarju tat-Taxxi javża li dawk l-individwi li huma mitluba jimlew il-Formola tat-Taxxa, li normalment tintbagħat sal-aħħar ta’ Ġunju, jistgħu jagħmlu dan sal-aħħar ta’ Awwissu. Din tapplika kemm għal dawk l-individwi…

Kronaka

Tfajla ta’ 17-il sena qed tallega li ma sabet l-ebda għajnuna mill-Pulizija wara li nsterqilha l-mobile minn stabbiliment tad-divertiment f’San Ġiljan. Hija qalet li marret tirrapporta s-serqa fl-għassa ta’ San…

Televiżjoni u Radju

Il-programm Step by Step to Auschwitz rebaħ żewġ kategoriji fil-festival tal-films tal-Vegas Movie Awards li sar f’Las Vegas nhar it-Tnejn 13 ta’ Lulju. Fuq Facebook, il-produttur Jonathan Farrugia, spjega li l-kategoriji huma L-Aqwa…

Lokali

L-Uffiċjali tad-Dwana sabu €22,130 f’bagalja ta’ passiġġier fl-Ajruport Internazzjonali ta’ Malta. Fi stqarrija, id-Dwana qalet li l-passiġġier kien ġej Malta minn Frankfurt, fil-Ġermanja. Wara li l-passiġġier ma ddikjarax il-flus li kellu…

Aktar