Ambjent
Il-Gvern qed ifassal abbozz ta’ liġi biex Malta jkollha Qorti tal-Ambjent

Il-Gvern qed ifassal abbozz ta’ liġi biex Malta jkollha Qorti tal-Ambjent fejn jinstemgħu u jiġu deċiżi każi ta’ reati ambjentali. Il-Ministru tal-Ambjent qal li għandu l-kelma tal-avukati li l-abbozz ta’ liġi se jkun lest sa Jannar. Intervistat f’Dissett Dr Herrera esprima riservi personali dwar it-trakka tal-karozzi u qal li beħsiebu jagħti aktar saħħa lill-Awtorità tal-Ambjent.

Il-Gvern qiegħed jaħseb biex b’liġi ġdida jżid is-saħħa lir-rakkomandazzjonijiet li tagħmel l-Awtorità tal-Ambjent u r-Riżorsi fuq proposti għal proġetti ta’ żvilupp. Il-Ministru tal-Ambjent Jose Herrera qal l-abbozz ta’ liġi qiegħed jitħejja minn avukat, mil-Professur Alex Torpiano u minn kumitat tekniku.

“Jien intenzjonat inżid is-saħħa tal-ERA fis-sens, illi meta l-ERA, tirrakomanda kunsidierazzjonijeit ambjentali, ma tkunx biss rakomandazzjoni, imma tkun impożizzjoni.”

Mistoqsi fil-programm DISSETT x’sar minnha l-wegħda elettorali li jkun hawn Qorti tal-Ambjent, il-Ministru Herrera qal li din ser titwettaq bħala għodda biex tgħin fl-infurzar.

Sa Jannar l-avukati wegħduni li ser ikolli l-abbozz lest, ser nikrea organu ġudizzjarju, presedut minn imħallef imbagħad Qorti kriminali preseduta minn Maġistrat. Ser ikollna Qorti tal-ambjent li suppost ser iġib l-għira ta’ pajjiżi oħra biex nemanċipaw u nagħtu d-drittijiet liċ-ċittadin, jinforza l-aspetti ambjentali.

Mistoqsi dwar il-bini barra ż-żoni tal-iżvilupp, il-Ministru Herrera wera l-fehma li l-politika dwar l-ODZ għandha tinbidel mill-qiegħ u qal li bejn aktar għoli u żvilupp fuq art ODZ jippreferi li jgħolli. F’dan l-isfond, il-Ministru Herrera ġie mistoqsi kif jaħsibha dwar il-wegħda tat-trakka għat-tlielaq tal-karozzi li biex issir teħtieġ medda mdaqqsa ta’ art.

“Jien għandi riservi, irrid nara l-pjanijiet, irrid nara kif ser isir, pero jien personalment mhux qed nghid iva jew le.”

Il-Ministru qal li l-iskema ta’ riċiklaġġ tal-fliexken tal-plastik għandha tidħol fis-seħħ sa tmiem din is-sena bl-istallazzjoni ta’ numru ta’ magni.

Aħbarijiet Oħra
Kronaka

Għall-ħabta tat-tlieta u nofs ta’ wara nofsinhar, karozza li kienet ipparkjata għal xi raġuni spiċċat fil-baħar fil-Qawra. Kelliem għall-Pulizija kkonferma ma’ tvm.com.mt li l-inċident seħħ fi Triq il-Luzzu. Jidher li…

Politika

Il-Kap tal-Oppożizzjoni Adrian Delia elenka 15-il proposta biex fi kliemu l-pajjiż ma jerġax jgħaddi mill-kriżi politika li għaddej minnha bħalissa. F’kummenti fuq NET TV, Dr Delia qal li wħud mill-proposti…

Saħħa

Il-ħajt għoli tal-Isptar Mater Dei ma qatax qalb tal-10 membri tal-iscouts tal-Mosta u tifla ta’ sitt snin li xxabbtu miegħu f’attività tal-abseiling li ġiet organizzata biex tagħti sorpriża lit-tfal morda…

Kisbiet

Iċ-Chairperson tal-Kummissjoni għad-Drittijiet tal-Persuni b’Diżabbiltà, Oliver Scicluna, u l-kumpanija Camilleri & Cuschieri Consulting Engineers, huma r-rebbieħa tal-Premju Monsinjur Mikiel Azzopardi għal din is-sena. Ir-rebbieħa tħabbru minn Fr Martin Micallef, Direttur…

Aktar