Politika
Il-Gvern qed jieħu l-pariri tal-Kummissjoni Venezja bl-akbar serjetà – il-PM

Ir-rapporteur tal-Kunsill tal-Ewropa Pieter Omtzigt waqt li nnota bidla għall-aħjar fl-attitudni tal-gvern dwar ir-riformi meħtieġa għall-governanza sostna li għad fadal xi jsir biex il-proposti tal-Kunsill tal-Ewropa jiġu implimentati. Il-Parlamentari Olandiż qal dan meta ltaqa’ mal-Prim Ministru Robert Abela flimkien ma’ diversi membri tal-kabinett. Il-Prim Ministru Abela spjegalu li l Gvern qiegħed jieħu r-rakomandazzjonijiet tal-Kummissjoni Venezja b’serjetà u qiegħed jaħdem biex jimplimentahom, għax jemmen li l-pajjiż għandu bżonn governanza tajba u saltna ta-dritt b’saħħitha.

F’laqgħa mal-Prim Ministru Robert Abela f’Kastilja, ir-rapporteur tal-Kunsill tal-Ewropa Pieter Omtzigt stqarr li jinsab kuntent li l-Gvern qiegħed jaħdem fuq il-proposti tal-Kummissjoni Venezja wara li qal li kien hemm dewmien fit-teħid ta’ ċertu deċiżjonijiet.

Il-Parlamentari Olandiż li kemm-il darba kien kritiku għal Malta qal li r-riformi li beda jagħmel Dr Abela, setgħu twettqu mill-ministru Bonnici fis-sentejn li għaddew. Fil-laqgħa, il-Prim Ministru Robert Abela aġġorna lil Omtzigt bir-riformi li saru fl-ewwel ġranet tal-Gvern. Dr Abela qal li l-Gvern qiegħed jieħu r-rakomandazzjonijiet tal-Kummissjoni Venezja b’serjetà kbira u qiegħed jaħdem biex jimplimentahom għax jemmen li l-pajjiż għandu bżonn governanza tajba u saltna ta-dritt b’saħħitha.

Il-Prim Ministru elenka r-riformi li l-Gvern diġà implimenta, fosthom biex il-Kummissarju tal-Pulizija jinħatar wara sejħa pubblika u l-applikanti se jgħaddu mill-iskrutinju tal-Kummissjoni għas-Servizz Pubbliku. Qal li qegħdin isiru riformi biex il-Pulizija ma tibqax l-investigatur u l-prosekutur, u tibda tiffoka biss fuq l-investigazzjonijiet, filwaqt li l-prosekuzzjoni ssir minn entità oħra. Semma wkoll riforma li saret biex inqasmu l-funzjonijiet tal-avukat ġenerali.

Żied jgħid li l-inkjesta pubblika dwar il-qtil ta Daphne Caruana Galizia li ntalbet mill-Kunsill tal-Ewropa bdiet il-ħidma tagħha wkoll.
F’kummenti ma’ Television Malta wara l-laqgħa, is-sur Omtzigt iddeskriva l-laqgħa bħala pożittiva.

”The attitude is that there is some reception that I feel this government has an intention to make changes, it is obviously making those changes but then again I did point out that to those ministers that all all of them were part of the same government before December. So I look forward to seeing all those changes being made in Malta.”

Is-sur Omtzigt qal li Malta għandha timplimenta l-proposti tal-Kummissjoni Venezja mill-aktar fis, biex fost oħrajn tindirizza r-reputazzjoni li għandha b’industriji u attivitajiet li huma meqjusa riskjużi ħafna, bħall-gaming, iċ-ċittadinanza b’investiment u l-bitcoin. Il-Prim Ministru Abela stieden lil Pieter Omtzigt għal aktar djalogu ma’ Malta.

Aħbarijiet Oħra
Pulizija

Il-Korp tal-Pulizija qal li mindu bdiet l-investigazzjoni fis-Sezzjoni tat-Traffiku, 34 uffiċjali jinsabu fuq police bail. Minn dawn, 28 huma sospiżi u qegħdin fuq police bail, 6 rtiraw bil-pensjoni u qegħdin…

Lokali

Il-koppja Marvic u Donovan Scerri qed jippjanaw li jmorru Spanja biex jagħmlu l-proċedura tal-IVF f’dan il-pajjiż li jippermetti li jsir test ġenetiku tal-embrijun qabel ikun impjantat fil-ġuf tal-omm biex ikun…

Lokali

Il-Federazzjoni tal-Produtturi tal-Akwakultura qed tipproponi 20 miżura biex jissaħħaħ il-monitoraġġ u l-kontrolli fl-industrija tat-tonn kemm fuq il-baħar kif ukoll fuq l-art. Il-Federazzjoni tal-Produtturi tal-Akwakultura qed issejjaħ għal miżuri ta’ kontroll…

Saħħa

L-għaqda Dinija tas-saħħa wissiet li l-virus jista’ jasal fil-pajjiżi kollha tad-dinja. Is-Supretendent tas-saħħa Pubblika Charmaine Gauci qalet li waqt li żidedu l-ammont ta’ swabs li ttieħdu fl-aħħar sigħat ta’ nies…

Aktar