Lokali
Il-GWU tressaq il-proposti għall-Budget

Il-GWU preżentat il-proposti tagħha għall-Budget ta’ nhar it-Tnejn li ġej. Is-Segretarju Ġenerali Josef Bugeja qal li proposti tal-union huma maqsuma fi 11-il sezzjoni li jkopru fost oħrajn il-Kundizzjonijiet tax-Xogħol, iż-Żgħażagħ, l-Ekonomija, l-Edukazzjoni, l-Akkomodazzjoni Soċjali, il-Pensjonijiet, is-Saħħa, l-Ambjent u Għawdex.

Is-Sur Buġeja qal li l-proposti huma mmirati li l-ġid li qed jinħoloq jitqassam b’mod ġust billi jkunu mgħejjuna l-aktar persuni f’diffikultà. Qal li hemm bżonn ta’ reviżjoni tal-paga minima, ħlas ugwali għall-istess xogħol kemm jekk il-ħaddiema jaħdmu mal-kuntrattur jew mal-Gvern, tkun emendata l-liġi tax-xogħol biex din tirrifletti l-ħtigijiet tal-lum. Qal ukoll li l-GWU qed tinsisti li tiżdied ġurnata oħra mal-leave u li jingħata leave mediku, u li t-taxxa fuq ix-xogħol part-time u s-sahra tonqos għall-10%.

Is-Sur Bugeja qal li l-union qed tipproponi wkoll miżuri fit-trasport pubbliku, Childcare fiż-żoni industrijali u anke miżuri għall-priġunieri li jkunu skontaw is-sentenza ħalli jkunu mgħejjuna jerġgħu jibnu ħajjiethom.

Aħbarijiet Oħra
Ambjent

Żona li fiha daqs seba’ grawnds tal-futbol, li minn wied naturali nbidlet f’miżbla, qed tingħata wiċċ ġdid biex minflok tibqa’ ġerħa fin-naħa t’isfel ta’ Malta, issir attrazzjoni. Sa wieħed u…

Kultura

Infrastructure Malta appik li tibda operazzjoni delikata, biex taqla’ sħiħ mill-blat qabar tal-perjodu Puniku-Ruman, u tpoġġih fil-ġenb ta’ triq ġdida li qed tibni f’Ħ’Attard. B’hekk din is-sejba ta’ valur arkeoloġiku,…

Immigrazzjoni

TVM jinsab infurmat li matul il-lejl li għadda, grupp ta’ madwar 90 immigrant li ġew salvati fil-Mediterran fiż-żona ta’ tiftix u salvataġġ ta’ Malta ttieħdu fuq vapur tal-Captain Morgan li…

COVID-19

Il-pandemija u r-reħi tar-restrizzjonijiet ġabu magħhom l-użu tal-maskra. Filwaqt li ħafna qed jużawha kif obbligati jagħmlu f’ħafna postijiet pubbliċi, osservajna li bosta qed jilbsu biex taparsi libsuha. Id-Direttur tad-Direttorat tal-Promozzjoni…

Aktar