Lokali
Il-Gżirjani u l-MIDI jagħmlu paċi dwar Manoel Island

Il-Gżirjani u l-ambjentalisti kienu vuċi voċifera kontra l-proġett ta’ Manoel Island li kien ingħata lill-MIDI biex isir 18-il sena ilu.

Matul dawn is-snin saru diversi protesti, kien hemm okkażjonijiet fejn ġie sgassat l-ilqugħ, kien hemm min ikkampja fis-sit biex issir pressjoni għall-aċċess tal-pubbliku għax-xatt u żoni ta’ importanza storika u naturali li hemm f’din il-gżira.

L-aċċess infetaħ u ingħalaq kemm-il darba u l-battibekki bejn l-ambjentalisti u l-kuntratturi ma naqsux dwar din il-kwistjoni speċjalment fl-aħħar sentejn, bil-Kunsill tal-Gżira saħansitra kien wasal sal-punt li jitlob lura l-ġurisdizzjoni ta’ Manoel Island mingħand il-konsorzju MIDI.

Meta seħħet l-iżvolta fil-kwistjoni?

Kien f’Novembru tas-sena li għaddiet li seħħet żvolta fil-kwistjoni, meta wara xhur ta’ negozjati mal-Kunsill Lokali tal-Gżira, il-konsorzju MIDI ħabbar Masterplan ġdid għall-proġett ta’ Manoel Island.

Minn dakinhar ‘l hawn donnu li ż-żewġ naħat bdew jikkoperaw iktar u minn missjoni impossibbli beda jidher raġġ ta’ dawl li xi darba jista’ jintlaħaq ftehim dwar l-aħjar użu ta’ Manoel Island.

Il-masterplan il-ġdid, għandu ferm inqas bini minn dak oriġinali, kif ukoll iktar spazji miftuħa u pubbliċi, li huma riżultat ta’ pressjoni li saru mill-Kunsill tal-Gżira u awtoritajiet oħra li tefgħu lenti fuq l-obbligi li l-MIDI kellhom fil-kuntratt li sar mill-Gvern madwar 18-il sena ilu.

Illum ġie ffirmat ftehim bejn ir-rappreżentanti tal-entitajiet li tant ħabirku biex Manoel Island titgawda iktar min-nies, u l-konsorzju li se jieħu ħsieb it-twettiq tal-proġett biex iffurmaw fondazzjoni li se tindokra l-progress sat-tlestija tax-xogħlijiet.

Ara wkoll:

Battibekk bejn is-sindku tal-Gżira u l-kap eżekuttiv tal-MIDI

Ir-residenti tal-Gżira jridu li Manoel Island ma tibqax magħluqa għall-pubbliku

Filmat – jisgassaw l-ilqugħ u jikkampjaw fuq Manoel Island

“Għandna d-dritt nagħlqu l-aċċess għal Manoel Island iżda se nidħlu f’diskussjonijiet” – il-Kap Eżekuttiv tal-MIDI

 

Il-Kunsill Lokali tal-Gżira jitlob lura l-ġurisdizzjoni ta’ Manoel Island

Se jaqsmu l-port bil-baħar biex jidħlu u jorqdu fuq Manoel Island

Il-MIDI u l-Kunsill tal-Gżira pożittivi fuq il-futur ta’ Manoel Island

Manoel Island f’nofs kontroversja oħra

Żvolta fis-saga ta’ Manoel Island

Ir-riġenerazzjoni ta’ Manoel Island tista’ tieħu sa 7 snin – MIDI

Il-wirt storiku u naturali ta’ Manoel Island se jiġi indukrat minn fondazzjoni ġdida

ARA: Kif se ssir Manoel Island?

 

Aħbarijiet Oħra
Lokali

B’digriet ta’ Monsinjur Arċisqof Charles J. Scicluna, il-Knisja Parrokkjali Matriċi ta’ Stella Maris ġiet mgħollija għad-dinijtà ta’ Knisja Arċipretali. Hekk, il-kappillan tal-Parroċċa, fil-preżent Mons. Anton Portelli, jkollu wkoll it-titlu ta’…

Lokali

Xena mill-isbaħ tal-bajja ta’ Mġarr ix-Xini kif probabbli qatt ma rajtha. Dan ir-ritratt, li ttieħed mill-astronomu Joseph Caruana, jagħtina ħjiel tal-ġmiel naturali li kienu jgawdu missirijietna, u li llum sfortunatament…

Lokali

Fl-1 ta’ Lulju, fil-pjazza ewlenija tal-Qala, l-Għaqda Briju San Ġużepp b’kollaborazzjoni mal-Ministeru għal Għawdex se jorganizza l-‘Festa Għawdxija’. Dan l-avveniment se jsir proprju meta l-istaġun tal-festi f’pajjiżna jkun fl-aqwa tiegħu….

Lokali

Raġel mgħammad u armat b’sikkina seraq €100 flus kontanti minn ħanut tal-merċa f’Ħal Tarxien. Il-każ seħħ fi Triq Karlu Maratta għall-ħabta tan-nofsiegħa. Ir-raġel talab lill-kaxxiera biex tagħtih il-flus kollha, kif…

Aktar