Kisbiet
“Il-ħolma tiegħi li nsir mudella saret realtà”

Tliet xhur mindu esprimiet xewqitha li ssir mudella ma’ TVM, il-ħolma ta’ Charline Magro saret realtà.

Is-Sibt li għadda Charline, li għandha 26 sena, kienet kienet fost 40 mudell u mudella li ħadu sehem f’konkors tal-moda f’Montekristo.Fl-ewwel dehra uffiċjali fuq catwalk, Charline li hi tfajla bid-Down Syndrome, rebħet it-titlu ta’ Miss Simpatika Malta 2019.

F’kummenti lil tvm.com.mt, Charline esprimiet ferħ li x-xewqa tagħha saret realtà fi żmien qasir. Charline stqarret li għalkemm għandha diżabilità intellettwali, tħoss li kapaċi turi l-ħiliet tagħha daqs ħaddieħor. Charline ma kellhiex kliem biżżejjed biex trodd ħajr lil kull min taha appoġġ biex tirbaħ dan l-unur fosthom lil Ivan Gaffiero u Maria Vidal.

Mitluba tgħid x’se jkun il-pass li jmiss f’dan ir-rigward, Charline filwaqt li ma żvelatx dettalji, qalet li qed tħares ‘il quddiem biex tieħu sehem f’kompetizzjoni oħra tal-immudellar biex fi kliemha tkompli xxerred il-ferħ u l-pożittività.

Hi esprimiet tama li l-esperjenza tagħha sservi ta’ ispirazzjoni għal persuni b’diżabilità biex ma jaqtgħux qalbhom u jkomplu jiġru wara l-ħolma tagħhom sakemm iwettquha.

Ara wkoll:

“Għandi xewqa kbira li nsir mudella”

Aħbarijiet Oħra
Settur Marittimu

Il-kumpanija Valletta Cruise Port li tmexxi t-terminal tal-passiġġieri tal-cruise-liners u faċilitajiet oħra fil-Port il-Kbir qed tieħu miżuri favur l-ambjent biex tikseb ċertifikazzjoni ta’ port ekoloġiku. Intervistat minn TVM, il-Kap Eżekuttiv…

Knisja Maltija

L-Arċisqof Charles J. Scicluna appella għar-rispett lejn id-dinjità tal-mara waqt quddiesa li fiha talab biex terġa’ tinfetaħ il-kawża għall-beatifikazzjoni ta’ Adelaide Cini, li qal l-eżempju ta’ ħajjitha u l-ħidma li…

Qorti

Il-Qorti Kostituzzjonali laqgħet ir-rikors tal-Ministri Edward Scicluna, Konrad Mizzi u Chris Cardona biex ma jixhdux f’kawża kostituzzjonali iżda fi żmien jumejn iridu jippreżentaw s-silta minn fejn ikkwotaw ir-rapport tal-inkjesta Egrant…

Budget

Il-Ministru għall-Finanzi, Edward Scicluna qal li l-Budget ippreżentat ilbieraħ u r-reazzjoni ġenerali għalih huma turija li l-Gvern hu konxju tal-isfidi, l-opportunitajiet u l-ħtiġijiet tan-nies. F’konferenza tal-aħbarijiet l-għada tal-Budget, il-Ministru Scicluna…

Aktar