Lokali
Il-ħtif ta’ Natalie Williams kien ippjanat ġimgħa qabel tant li talbet lil missierha jipproteġiha

Sadanittant, missier Natalie Williams, Charles Higgins qal lil tvm.com.mt li kienu ilhom xahrejn u nofs jippruvaw isibu lir-raġel ta’ bintu bit-tama li jsalva lil bintu minn snin ta’ vjolenza domestika. Is-sur Higgans, qal li jumejn qabel ma rrapurtaw lil Natalie nieqsa, żewġha pprova jaħtafha mill-Fgura u hu taha kenn f’daru fil-Fgura stess.

Missier Natalie Williams, Charles Higgans li għandu 72 sena, bilkemm irid jemmen dak li għadda minnu fl-aħħar jiem. Huwa qed iqies l-każ ta’ bintu bħala ħtif u sostna li bintu nżammet kontra l-volonta tagħha minn Roddy Williams. Allega li Roddy Williams kien għamel tentattiv ieħor biex jaħtafha bħal-lum ġimgħa meta għall-ħabta tal-4.30pm u sema’ l-bieb tad-dar tiegħu fil-Fgura jinstabat u lil bintu tgħajjat għall-għajjut.

Charles Higgins qal li kien jara t-televizjoni “smajtha tibki, smajt leħnu, nżilt niġri, malli rani pprova jidħol fil-karozza u tani daqqa ta’ bieba, ħarab u ma lħaqtx ħadtlu d-dettalji tal-karozza”.

Is-sur Higgins qal li qabel l-għajbien tagħha fl-aħħar jiem bintu kienet qed tgħix miegħu biex jipproteġi lil Roddy li kien qed ikun vjolenti magħha. Qal li bintu kienet għadha kif sabet xogħol ġdid f’ħanut fiż-Żejtun, u meta ma rritornatx, mar ifittixha u għamel rapport l-għassa. Qal li mill-Ġimgħa filgħaxija sakemm instabet it-Tnejn filgħaxija, l-inkwiet li għadda minnu huwa inspjegabbli.

“Tħoss il-weġgħa tal-qalb, tgħaddi minn passjoni kbira, ma tkunx taf x’inti tagħmel” qal Charles Higgins.

Is-sur Higgans allega ma’ tvm.com.mt li Roddy Williams kellu l-abbuż tad-droga, u kien qed jibdel il-vetturi tiegħu biex ma jinqabadx. Qalilna li meta bintu għebet kien jaf li kien żewġha li għamlilha xi ħaġa u kien għalhekk li flimkien mal-Pulizija bdiet it-tfittxija għalih fl-inħawi tal-Kalkara. Qal li iben Natalie, Owen ta’ 18 -il sena li lemħu fit-triq, meta rnexxielu jżommu b’ħabel sakemm ġew il-pulizija u arrestawh.

Charles Higgins esprima li għandu rabja kbira għalih, “nispera li ma jħalluhx hawn Malta, jeħilsu minnu, biex jekk jeħel il-ħabs iqaċċtuh ‘il barra”.

Agnes Lombardo, ħabiba ta’ Natalie qalet li fil-jiem li damet nieqsa Natalie, bassret il-gwaj tagħha minħabba li kienet taf li kienet qed tiġi abbużata. “Dwejjaq kbar, tagħfis ta’ qalb, il-ħin kollu naħseb fiha, ma tafx x’inti tagħmel” qalet Agnes Lombardo.

Missier Natalie spjega li bintu kienet ilha xhur ma tgħix ma’ żewġha u kienet għaddejja mis-separazzjoni, iżda żewġha ma riedx jinfired minnha. Qal li Natalie kienet titwerwer minnu, u tħallih jagħmel li jrid biha, tant li ħadilha ħafna flus. Natalie hija omm ta’ tlett itfal, Owen ta’ 18 -il sena, Danika, ta’ 21 sena, u Raisa ta’ 25 sena.

Ara wkoll:

 

Roddy Williams akkużat bl-attentat ta’ qtil ta’ martu – se jibqa’ jinżamm arrestat il-ħabs

ARA: Nidħlu fil-gabuba li fiha Natalie Williams qattgħet tlett ijiem

Aħbarijiet Oħra
Stejjer Umani

F’aktar minn ħamsin sena, l-Għaqda Alkoħoliċi Anonimi għenet mijiet ta’ persuni bi problema ta’ xorb żejjed, u ħafna drabi anke lill-qraba tagħhom permezz tal-AL-ANON. TVM tkellem ma’ raġel li 27…

Infrastruttura

Għaddejin l-aħħar tħejjijiet għat-tlestija ta’ Triq Ħal Luqa, li hija l-arterja ewlenija bejn Santa Luċija u Ħal Luqa. Bejn it-Tlieta filgħodu u l-Erbgħa waranofsinhar, it-triq se tingħalaq f’direzzjoni waħda sakemm…

Trasport

Matul l-aħħar snin, Transport Malta flimkien mal-Ministeru tat-Trasport nedew diversi skemi fuq ix-xiri ta’ mezzi tat-trasport biex jonqos it-tniġġis tal-arja. Tnejn mill-iskemi li qed jagħtu riżultati huma għax-xiri tal-karozzi elettriċi…

Annimali

Uffiċjali u membri tal-FKNK żaru l-Iskola Primarja ta’ Ħ’Attard fejn indirizzaw it-tfal li bħalissa qed jattendu Skola Sajf. Il-membri kellhom magħhom Kelb tal-Kaċċa ta’ Malta u Kelb tal-Fenek, bit-tfal li…

Aktar