Kurżitajiet
Il-ħxuna twassal għal ċertu tipi ta’ kanċer iktar mit-tipjip

Filwaqt li t-tipjip jibqa’ responsabbli għal ħafna iktar każijiet ta’ kanċer mill-obeżità, instab li erba’ tipi partikolari ta’ kanċer huma iktar marbuta mal-ħxuna, milli mat-tipjip.

Dan ħareġ minn riċerka li saret minn għaqda mhux governattiva fir-Renju Unit, li fil-kampanja tagħha ħolqot kontroversja b’billboards li jiktbu l-kelma ‘obeżità’ bħallikieku kienet isem ta’ ditta fuq kartuna tas-sigaretti.

L-għaqda Cancer Research UK qalet li kull sena t-tipjip jikkawża 54,300 każijiet ta’ kanċer, li huwa iktar mid-doppju ta’ dawk ikkawżati mill-obeżità, li jammontaw għal 22,800.

Madankollu l-għaqda qalet li fir-rigward tal-kanċer tal-istonku, il-kliewi, il-fwied u l-utru, l-obeżità hija responsabbli għal iktar każijiet mit-tipjip.

Fil-kanċer tal-istonku kien hemm 4,800 kkawżati minn obeżità u 2,900 mit-tipjip. Bl-istess mod fil-kanċer tal-kliewi b’ 2,900 kontra 1,600, fil-fwied b’1,300 kontra 1,200, u fl-utru b’490 kontra 25.

Aħbarijiet Oħra
Barranin

Uħud mill-protestanti li għad fadal imsakkrin f’università f’Honk Kong, pruvaw jaħarbu mill-Pulizija billi jgħaddu mill-pajpijiet tad-drenaġġ. Mijiet ta’ protestanti diġà ħallew l-università, iżda għad fadal min għadu imsakkar ġewwa. Il-kampus…

Ikel

Daqsxejn bigilla tajba ma’ xi kisra ħobż friska li tkun għadha ħierġa mill-forn, min ma taqagħlux żaqqu għaliha? Sempliċi għall-aħħar. Ma tridx xi għerf ta’ barra minn hawn biex tagħmilha….

Barranin

Ors Koala kien salvat min-nirien li ħakmu postijiet varji fi New South Wales, fl-Awstralja. Mara li nzertat għaddejja mill-inħawi tal-foresta li kienet qed taqbad viċin Port Macquarie, rat lill-koala jaqsam it-triq….

Edukazzjoni

Minn żmien għal żmien, il-moda tinbidel. U, bħalha, il-mudelli jmorru u jiġu wkoll. Il-mudelli tal-kitba, iżda, mhux talli ma jinbidlux, talli dejjem hemm biex jagħtuna daqqa t’id biex kemm jista’…

Aktar