Barranin
Il-kafè ta’ Starbucks kif se jinżel mat-Taljani?

Għada l-katina tal-ħwienet popolari Starbucks se tkun qed tiftaħ ukoll ħanut fl-Italja. Il-ħanut se jkun ibbażat f’Milan, fil-binja msemmija Palazzo delle Poste li ġiet iddisinjata fl-1901.

Ix-xogħol fuq dan il-ħanut ilu għaddej iktar minn sentejn, iżda l-prodott komplut issa huwa mistenni jħalli effett differenti mill-ħwienet l-oħra li kellha Starbucks s’issa, bl-eċċezzjoni taż-żewġ roasteries li nfetħu f’Shangai u Seattle.

L-Istarbucks Roastery f’Milan jilqgħek b’pavimentar tal-irħam u pannelli tal-injam mal-ħitan u s-soqfa, li jagħtu dehra lussuża u jikkumplimentaw it-tradizzjoni Taljana tal-kafe.

Minbarra x-xarba ewlenija tal-kafe, dan il-ħanut se joffri wkoll varjetà ta’ cocktails u ġelati, kif ukoll ħobż u pizza li jinħmew f’forn tal-ħatab fil-ħanut stess.

Il-mistoqsija fuq fomm kulħadd hija kif se jinżel il-kafe Amerikan mat-Taljani, li huma kemmxejn kburin bil-kafe tagħhom, u għadhom leali lejn il-capuccino u l-espresso mingħajr wisq frilli.

Intant, ix-xahar li għadda tħabbar li Starbucks se tkun qed tiftaħ ukoll ħanut f’Malta s-sena d-dieħla.

Aħbarijiet Oħra
Barranin

Fir-Renju Unit, il-membri parlamentari bdew iressqu l-proposti tagħhom għal bidliet fil-pjani għal Brexit qabel il-vot skedat għall-ġimgħa d-dieħla dwar ftehim emendat tal-Prim Ministru Theresa May. Il-Prim Ministru May mistennija tiltaqa’…

Brexit

Il-Prim Ministru tar-Renju Unit Theresa May ħabbret li fil-proċess dwar Brexit ser tikkonsulta b’mod aktar wiesa’ kemm mal-House of Commons kif ukoll mas-soċjetà taċ-ċivili biex tilħaq pożizzjoni komuni li twassal…

Kurżitajiet

Qatt tħajjart tmur għand xi ħadd biex jaqralek ix-xorti? Min jaqra x-xorti huwa mmanipulat mix-xitan? F’Malta hawn kultura tal-okkult?  Glen Falzon stħarreġ dwar dan u tkellem ma’ xi ħadd li…

Barranin

Is-Sindku ta’ South Bend, Indiana, Pete Buttigieg mistenni jkun fost il-kandidati tad-Demokratiċi biex jiġi elett President tal-Istati Uniti. Buttigieg, li għandu 37 sena u huwa omosesswali, qed jippjana li joħroġ…

Aktar