Lokali
Il-Kap tal-Oppożizzjoni: irid investigazzjoni u inkjesta indipendenti dwar il-qtil ta’ Daphne Caruana Galizia

Il-Kap tal-Oppożizzjoni Adrian Delia qal li l-qtil ta’ Daphne Caruana Galizia huwa qtil politiku u sostna li huwa l-agħar wieħed mill-qtil ta’ Raymond Caruana.

F’konferenza tal-aħbarijiet, Dr Delia qal li nqatlet persuna li kixfet l-akbar skandli ta’ Malta u li kienet kritika tal-Gvern u tal-Partit Laburista għal dawn l-aħħar snin.

Filwaqt li esprima s-solidarjetà mal-qraba ta’ Caruana Galizia, Dr Delia qal li dan il-qtil huwa konsegwenza tal-kollass tas-saltna tad-dritt, li fi kliemu ilu jseħħ tul dawn l-aħħar erba’ snin. Saħaq li dan il-kollas huwa responsabbiltà tal-Prim Ministru Joseph Muscat.

Huwa saħaq li jrid li ssir investigazzjoni indipendenti u mhux se jaċċetta li ssir inkjesta mill-Maġistrat Consuelo Scerri Herrera, mill-Kummissarju tal-Pulizija u l-Brigadier Jeffrey Curmi.

Temm jgħid li dan huwa l-aktar jum ikrah fl-istorja politika tul dawn l-aħħar 40 sena.

Aktar kmieni Dr Delia kiteb fuq twitter ukoll  u qal li dan l-aġir huwa kolass tad-demokrazzija u l-libertà tal-kelma. Saħaq li m’għandniex niġu msikkta.

Aħbarijiet Oħra
Renju Unit

Meta r-Renju Unit joħroġ mill-Unjoni Ewropea, ċittadini tal-Unjoni Ewropea, fosthom il-Maltin, li ilhom jgħixu fir-Renju Unit għal tal-inqas ħames snin se jkunu intitolati għal dokument ġdid ta’ residenza msejjaħ settled…

Knisja Maltija

Il-parroċċa żagħżugħa tas-Swatar, dedikata lill-ewwel qaddis Malti kanonizzat, issa għandha l-istatwa titulari tagħha . . .ta’ San Ġorġ Preca. L-istatwa tal-qaddis patrun se tiġi inawgurata fi tmiem din il-ġimgħa u…

Kultura

Ir-Reġjun tat-Tramuntana, li jiġbor fih 12-il Kunsill Lokali, ta dettalji dwar il-Festival Internazzjonali tal-Folkor Malti. Dan il-festival se jiġi organizzat għall-ewwel darba. Apparti parteċipanti lokali, konfermati seba’ gruppi barranin minn…

Passatemp

F’inqas minn 15-il sena, il-logħob uffiċjali nfirex mil-lottu, is-Super 5 u l-lotterija nazzjonali għal diversi logħob ieħor marbut mhux biss man-numru iżda wkoll ma’ attivitajiet sportivi fost oħrajn. Għalkemm is-sensazzjoni…

Aktar