Budget
Il-Kap tal-Oppożizzjoni jgħid li m’hemm l-ebda pjan għat-traffiku

Il-Kap tal-Oppożizzjoni Adrian Delia qal li dan hu budget bla viżjoni, xott mill-ideat u mis-soluzzjonijiet ġodda. F’konferenza tal-aħbarijiet wara l-budget, Dr Delia qal li dan hu budget b’wegħdi riċiklati li ma twettqux fis-snin li għaddew. Adrian Delia qal li l-budget għas-sena li ġejja bl-ebda miżura m’hu qed itaffi mill-piż tal-għoli tal-ħajja. Adrian Delia qal li ż-żieda fil-kumpens għall-għoli tal-ħajja lanqas biss tikkumpensa għal xirja ta’ ġimgħa.

Dr Delia qal li dan il-budget ma jagħti ebda pjan jew viżjoni biex jindirizza t-traffiku, iż-żieda fil-popolazzjoni, it-tniġġis fl-arja u qal ukoll li ma jagħtix soluzzjoni kif se jattira banek oħrajn fil-pajjiż.

Dwar il-qasam edukattiv, il-Kap tal-Oppożizzjoni qal li l-għalliema Maltin huma l-inqas imħallsin fl-Ewropa u sostna li dan il-budget ma indirizzax il-problemi li hemm fl-edukazzjoni, fosthom li għall-kuntrarju ta’ gvern Nazzjonalista li kien jibni skola ġdida fis-sena, dan il-Gvern mhuwiex jagħmel dawn l-investimenti fl-edukazzjoni.

Aħbarijiet Oħra
Politika

F’rapport li ppubblika f’Lulju li għadda wara talba mid-Deputat Godfrey Farrugia, il-Kummissarju għall-Istandards fil-Ħajja Pubblika, Dr George Hyzler ddeskriva li l-prattika li l-membri parlamentari jkunu impjegati jew konsulenti tal-Gvern bhala…

Sajd

Il-Kummissjoni Ġenerali tas-Sajd għall-Mediterran qablet li tintervjeni biex tipproteġi s-sajjieda Maltin li jispiċċaw maqbuda f’argumenti ma’ sajjieda oħra barranin dwar it-territorju tas-sajd. Dan wara qbil unanimu fl-aħħar laqgħa tal-Kummissjoni. Bis-saħħa…

Kultura

50 produzzjoni artistiċi u kulturali se jkunu għad-diżpożizzjoni tal-iskejjel mill-kindergarten sas-sekondarja fil-programm tal-Culture Pass 2019-2020. Din is-sena b’dawn il-produzzjonijiet mistennija jintlaħqu 30,000 student fl-iskejjel tal-Gvern, Knisja u indipendenti. Waqt it-tnedija…

Aktar