Lokali
Il-Kap tal-PN jgħid li isem Malta jrid jiġi salvagwardjat wara d-dibattitu fil-PE

Il-Kap tal-Oppożizzjoni u tal-Partit Nazzjonalista Adrian Delia qal li qatt daqs illum ma kien hemm bżonn li isem Malta jkun salvagwardjat. Wara d-dibattitu fil-Parlament Ewropew, Dr Delia qal li l-Membri Parlamentari Maltin qed ikollhom jiddefendu lil pajjiż quddiem l-Ewropej, minflok jiftaħru bih.

Huwa qal li r-riżoluzzjoni tinnota kif uħud mill-persuni li isemmew fil-Panama Papers għadhom fil-Gvern. Dr Delia qal li għandna naraw għaliex il-Pulizija naqset milli tieħu azzjoni. Qal li pajjiż b’istituzzjonijiet li ma jiffunzjonawx, jispiċċa jbiegħed lin-nies u mhux jattirahom.

Il-Kap tal-Oppożizzjoni qal li r-riżoluzzjoni ssemmi r-rapport tal-Kumitat PANA li l-istituzzjonijiet li jirregolaw is-servizzi finanzjarji f’Malta għandhom indħil politiku kbir. Sostna li meta jkun hemm liċenzjar ta’ bank, għandu jsir eżerċizzju ta’ due diligence bl-ikbar attenzjoni.

Huwa elenka d-diversi punti oħra tar-riżoluzzjoni fosthom dwar ir-rapporti tal-FIAU dwar il-Pilatus Bank u l-bejgħ taċ-ċittadinanza. Qal li dawn huma l-affarijiet li qed jagħmlu ħsara lill-pajjiż.

Il-Kap tal-Oppożizzjoni qal li fil-Parlament Ewropew tressqet riżoluzzjoni separata mill-Grupp tas-Soċjalisti li tesprimi tħassib dwar theddida għal-libertà tal-espressjoni f’Malta u dwar involviment ta’ politiċi Maltin fl-iskandlu tal-Panama Papers filwaqt li tistieden lill-Gvern Malti sabiex ikun trasparenti mal-istituzzjonijiet tal-Unjoni Ewropea.

Dr Delia qal li l-Partit Nazzjonalista ilu ħafna jiġbed l-attenzjoni tal-Gvern dwar it-tnawwir tas-saltna tad-dritt f’Malta u saħaq dwar il-ħtieġa ta’ diskussjoni biex jissaħħu l-istituzzjonjiet. F’din il-kwistjoni, temm jgħid Dr Delia, hemm biss isem Malta u jeħtieġ nuru li l-Maltin u l-Għawdxin se jiġġieldu biex f’Malta jkun hawn tassew is-saltna tad-dritt.

Ara wkoll:

AĠĠORNAT: Dibattitu fil-Parlament Ewropew dwar is-saltna tad-dritt f’Malta

Aħbarijiet Oħra
Mużika

Il-kantanta żagħżugħa Ela għaddejja ġmielha bl-impenji u t-tħejjijiet li qed tagħmel bħalissa għall-Junior Eurovision Song Contest 2018 fil-Belarus.   Il-kanzunetta ‘Marchin’ On’, miktuba minn Cyprian Cassar u Emil Calleja Bayliss.  …

MIA

It-talba tad-Dipartiment Malti tad-Dwana biex jinxtara vann tal-x-ray għall-bagalji ntlaqgħet mill-OLAF. Fi stqarrija d-Dipartiment tad-Dwana qal li kien għamel din it-talba għall-fondi taħt il-programm Hercule III. Dan il-vann ġdid mistenni…

Kultura

Erba’ tfajliet żgħażagħ fl-iskola sekondarja jagħmlu mħatra bejniethom dwar liema tfajla jirnexxielha tinqabad tqila l-ewwel mill-attur magħruf Nate Cross. Din hija t-trama tal-film ‘Ħabbilni Ħa Nirbaħ’ li juri kif l-azzjonijiet…

Kultura

Għaċ-ċelebrazzjoni tal-Ewwel tas-Sena, Għawdex se jkollu lill-artist ta’ fama internazzjonali Jonas Blue biex iżewwaq is-serata u jagħti merħba lis-sena l-ġdida fil-pjazza ewlenija tal-Belt Victoria. L-artist Jonas Blue se jagħti spettaklu flimkien mall-band Għawdxija The…

Aktar