Politika Lokali
Il-Kap tal-PN jgħid li l-Indipendenza għandha tkun il-jum nazzjonali

Il-Kap tal-Oppożizzjoni u tal-Partit Nazzjonalista, Adrian Delia qal li l-Indipendenza għandha tkun il-jum nazzjonali tal-poplu Malti, għax qal li fil-21 ta’ Settembru 1964 twieled in-nazzjon Malti.

F’mass meeting bħala parti mill-attivitajiet organizzati mill-Partit Nazzjonalista f’għeluq l-54 anniversarju mill-kisba tal-Indipendenza, Dr Delia qal li kollox beda mill-indipendenza, meta l-pajjiż żviluppa u beda miexi ‘l quddiem. Il-Kap Nazzjonalista kkritika lill-Gvern li qal irid jaħtaf lura dak li Gvernijiet Nazzjonalista taw lill-pajjiż u qal li llum qegħdin f’sitwazzjoni fejn id-drittijiet fundamentali jinsabu taħt theddida. Qal li l-gvern mhux jinvesti u anke poġġa s-saħħa għall-bejgħ u ta l-isptarijiet lil xi ħadd li ma nafux min hu. Spjega li dan wasslu jmur il-qorti jiġġieled biex jieħu l-isptarijiet lura għax huma tal-poplu bi dritt.

Dr Delia qal li fl-aħħar snin ma sar lanqas b’sold ta’ proġetti infrastrutturali u li l-investimenti kapitali li ngawdu llum huma frott il-ħidma ta’ gvernijiet Nazzjonalisti. Żied li l-pass li jmiss hu li l-pajjiż ikollu soċjetà li jimpurtaha għax qal li l-gvern ma jimpurtahx. Dwar l-immigrazzjoni staqsa jekk il-Prim Ministru jridx li jibgħat lura lill-immigranti jew li jiftaħ il-bibien għal kulħadd.

Qal li fl-aqwa żmien u tas-surplus, hawn nies li jgħixu fil-ġonna, fl-irziezet u oħrajn li jinħaslu fil-latrini. Skont Dr Delia taħt Gvern Laburista m’għadux sikur li timxi fit-toroq u ħeġġeġ lin-nies biex jimxu mal-Partit Nazzjonalista biex jerġa’ jagħmel lil Malta pajjiż sikur.

Il-Kap Nazzjonalista qal li l-Gvern Laburista ma jimpurtahx mill-ħaddiem u l-fqir għax tilef ir-ruħ soċjali tiegħu. Qal li l-gvern qed jidħaq bin-nies u wara li ħadem apposta ħażin il-kontijiet tad-dawl u l-ilma, issa qed jibgħat iċ-ċekkijiet. Qal li meta l-Partit Nazzjonalista ikun fil-gvern se jagħti bi dritt dak li qal qed jisraq dan il-gvern.

Dr Delia qal li gvern irid iġiegħel lin-nies jemmnu li m’ hawnx problemi billi jgħid li l-Partit Nazzjonalista hu mifrud u għandu l-problemi. Qal li l-Prim Ministru qed ibezza li l-Partit Nazzjonalista hu maqsum imma qal li hu kapaċi jgħaqqad mhux biss lill-partit imma l-pajjiż.

Aħbarijiet Oħra
Kurżitajiet

L-ex direttur sportiv tal-klabb tal-futbol Taljan ta’ Juventus Luciano Moggi huwa eleġibbli li jivvota fl-elezzjoni tal-Kunsilli Lokali li se ssir Malta. Moggi li għal dawn l-aħħar snin kien qed iżur…

Ambjent

Kruċjali għall-ħajja ta’ kulħadd…u għal Malta hu riżorsa prezzjuż daqs id-deheb! Hawnhekk qed nirreferu għall-ilma. Hu stmat li kull persuna f’Malta tuża mal-110 litri ta’ ilma kuljum. Il-pubbliku jista’ jitgħallem…

Pulizija

Sal-aħħar tas-sena d-dieħla, il-Korp tal-Pulizija għandu jkollu strateġija ta’ trasformazzjoni. F’intervista estensiva mal-Kap Eżekuttiv tal-Pulizija li tixxandar fil-programm DISSETT wara dan il-bulettin, is-Sur Gafa’ qal li d-direzzjoni tat-tiġdid ser isir…

Politika

Il-Prim Ministru u l-Mexxej tal-Partit Laburista, Joseph Muscat, akkuża lill-Partit Nazzjonalista li ma ppreżentax biżżejjed kandidati għall-elezzjonijiet tal-Kunsilli Lokali fi 23 lokalità f’Malta u f’Għawdex bl-għan li jiskoraġixxxi lin-nies milli…

Aktar