Politika
Il-Kap tal-PN jgħid li l-pajjiż irid li ssir ġustizzja

Il-Kap tal-Oppożizzjoni u tal-Partit Nazzjonalista Adrian Delia qal li min qed jinvestiga l-qtil ta’ Daphne Caruana Galizia għandu jkollu l-kuraġġ jasal sal-aħħar għax warajh se jsib l-appoġġ u d-difiża ta’ pajjiż sħiħ li jrid li ssir ġustizzja.

Intervistat fuq NET Television illejla, Dr Delia rrefera għall-attività li l-Partit Laburista organizza l-Ħadd filgħodu fejn qal li id f’id mal-Prim Ministru kien hemm iż-żewġ kandidati għall-elezzjoni ta’ mexxej tal-Partit Laburista. Qal li l-messaġġ li twassal hu ċar; li min ikun Prim Ministru wara Joseph Muscat qed jiddikjara minn issa li hu ħaġa waħda miegħu.

Qal li l-Ministru Konrad Mizzi rriżenja biss mit-titlu għax għadu hemm u qed jappoġġja lil Chris Fearne. Staqsa jekk Chris Fearne hux se jiddikjara minnufih li lil Konrad Mizzi se jneħħih u se jinvestigah. Staqsa jekk hux se jżommu hemm għax għandu bżonn l-appoġġ tiegħu biex jiġi elett fit-tmexxija.

Il-Kap Nazzjonalista qal li l-pajjiż mhux normali u spiċċa ostaġġ tal-kriminali. Irrefera għall-aħbar fil-media li l-Pulizija reġgħet arrestat lil Keith Schembri. Dr Delia qal li jittama li dan mhux bżar fl-għajnejn u ssir investigazzjoni sħiħa li ma tħares lejn wiċċ ħadd. Il-Kap Nazzjonalista qal li hu b’hekk li l-pajjiż jasal għall-għanqbutya u f’ras il-għajn u Malta tibda tassew il-proċess biex titreġġa’ lura n-normalità.

Aħbarijiet Oħra
Politika

Mark Anthony Sammut, li kien qed jissemma bħala kandidat għall-elezzjoni ta’ Kap tal-Partit Nazzjonalista, ħabbar li mhuwiex se jikkontesta għal din il-kariga. Fuq Facebook, Mark Anthony Sammut kiteb illi huwa…

Politika

Il-Membru Parlamentari Therese Comodini Cachia ħabbret li mhux se tikkontesta għat-tmexxija tal-Partit Nazzjonalista. F’kitba fuq il-mezzi soċjali, Dr Comodini Cachia qalet li filwaqt li tinsab konvinta li l-PN għandu bżonn…

COVID-19

Is-Supretendent għas-Saħħa, il-Professur Charmaine Gauci mistennija tindirizza konferenza stampa dwar is-sitwazzjoni tal-Covid-19 f’Malta fis-13:00. Mil-lum, il-Professur Gauci se tibda mill-ġdid tagħti lill-pubbliku rendikont tal-imxija f’pajjiżna kull nhar ta’ Ġimgħa.

Lokali

Il-Prim Ministru Robert Abela u d-Deputat Prim Ministru Chris Fearne mistennija jindirizzaw aġġornament tal-aħbarijiet dwar il-laqgħa u r-riżultati miksuba mal-MCESD. L-aġġornament se jixxandar fuq tvm, tvm.com.mt u l-paġna facebook ta’…

Aktar