Politika
Il-Kap tal-PN jgħid li Maltin b’negozju mar-Renju Unit għandhom ikollhom is-serħan tal-moħħ

Fi Brussell, il-Kap tal-Partit Nazzjonalista, Adrian Delia, attenda għal-laqgħa tal-kapijiet tal-partiti fi ħdan il-Partit Popolari Ewropew.

Stqarrija tal-Partit Nazzjonalista kkwotat lil Dr Delia jgħid li l-Maltin li għandhom negozju jew rabtiet kummerċjali mar-Renju Unit għandu jkollhom is-serħan tal-moħħ dwar kif u b’liema kundizzjonijiet se jsir il-ħruġ tar-Renju Unit mill-Unjoni Ewropea.

Dr Delia qal li wara l-vot li l-Prim Ministru tar-Renju Unit Theresa May irnexxielha tirbaħ fil-Partit Konservattiv, xorta waħda fadal għadd ta’ domandi li jridu jiġu mwieġba dwar Brexit.

Irrefera wkoll għall-immigrazzjoni. Il-Kap Nazzjonalista qal li l-immigrazzjoni irregolari hi fost l-aktar li qed tħasseb liċ-ċittadini madwar l-Ewropa. Qal li bħala pajjiż jeħtieġ li nieħdu pożizzjoni ċara fejn nibqgħu nħarsu l-fruntieri u t-territorju nazzjonali.

Aħbarijiet Oħra
Turiżmu

Il-Maltin jivjaġġaw l-iżjed bl-ajru, u skont statistika tal-Eurostat, 63 fil-mija tal-vjaġġi tal-Maltin fl-2017 saru bl-ajru. Dan ipoġġi lil Malta fl-ewwel post, anke meta mqabbel ma’ gżejjer oħra. Fil-fatt, filwaqt li…

Qorti

Fil-Qorti llum ngħalqu l-provi kontra Liam Debono, li qed ikun akkużat bl-attentat ta’ qtil tas-Surġent Simon Schembri fil-15 ta’ Mejju 2018. Il-proċeduri issa mistennija jkomplu billi jinħareġ l-Att ta’ Akkuża…

Politika

L-Assemblea Parlamentari tal-Kunsill tal-Ewropa li tirrappreżenta 47 pajjiż, approvat rapport kritiku dwar is-saltna tad-dritt f’Malta li tħejja mill-Parlamentari Olandiż Pieter Ormtzigt. Ir-rapport ġie approvat bit-72 vot favur, 18-il vot kontra…

Propjetà

Il-membru tal-Bord tal-Ippjanar tal-Awtorità tal-Ippjanar, Matthew Pace, mhuwiex preżenti għal-laqgħa tal-lum li fiha qed tkun diskussa l-applikazzjoni għall-proġett Townsquare t’Tas-Sliema. Il-ġimgħa li għaddiet il-Qorti tal-Appell sabet li s-Sur Pace kellu…

Aktar