Lokali
Il-Kap tal-PN jgħid li se jdawwar lura kull liġi li tkun kontra l-ħajja

Il-Kap tal-Partit Nazzjonalista, Adrian Delia, qal li l-Partit Nazzjonalista se jassigura li kull liġi li se jagħmel il-Gvern kontra l-ħajja se jdawwarha lura. Sostna li meta tidħol il-ħajja umana m’hemmx voti jew numri għax kull ħajja tgħodd.

F’diskors f’Ħaż Żebbuġ, il-Kap Nazzjonalista qal li  l-Partit Nazzjonalista se jiġġieled għall-ħajja u għal dik it-tarbija li ma tistax titkellem. Enfasizza li hu favur il-ħajja tat-tarbija fil-ġuf u qal li l Gvern qed jagħmel minn kollox biex ma jużax il-kliem ‘tarbija fil-ġuf’.

Kompla jgħid li fil-liġi tal-protezzjoni tal-embrijun, il-Gvern irid iġib lill-pajjiż bla ruħ, fejn in-nies huma numri, jew voti, it-tfal ma jfissru xejn, u li jrid ineżża’ l-protezzjoni tat-tarbija fil-ġuf. Dr Delia qal li l-Gvern irid li persuna waħda weħidha tmur tixtri tarbija daqslikieku kienet prodott u li bis-surrogacy il-Gvern irid jagħmel mill-mara oġġett.

Dwar dak li ħareġ minn Daphne Project, il-Kap Nazzjonalista qal li issa hemm provi iswed fuq l-abjad li miljun u 400,000 elf ewro li ġejjin mill-Azerbaijan daħlu fil-kumpanija 17 Black. Qal li waqt li Konrad Mizzi qal li kien qed jippjana l-affarijiet tal-familja, Keith Schembri qal li dan kollu kien parti minn pjan ta’ negozju, sostna għalhekk li jew wieħed jew l-ieħor qed jigdeb, jew qed jigdbu t-tnejn.

Staqsa jekk il-Prim Ministru Joseph Muscat kienx jafx b’dan il-gideb. Dr Delia qal li dan kollu qed iħalli ħsara kbira lill-pajjiż. Qal li l-Gvern ma jistax jgħid lill-Oppożizzjoni li mhux każ urġenti meta din tmur fil-Parlament biex titkellem fuq dak li qed jagħmel ħsara lill-pajjiż. Qal li l-Partit Nazzjonalista se jkompli jaħdem u jiġġieled għal dak li hu sewwa

Dr Delia tkellem ukoll dwar il-faqar u qal li issa ħareġ ċar li Malta għandha l-iktar rata mgħaġġla ta’ inkwilini fqar minħabba l-mod li bih qed togħla l-kera. Qal li l-istatistika turi li hawn 49,000 foqra.

Aħbarijiet Oħra
Stejjer Umani

Mandy Vella li għandha 24 sena biss qed tgħix bi tbatija kbira minħabba li tbati b’Cystic Fibrosis. Hija tgħid li din qed taffettwalha l-pulmun u l-firxa, tbati bil-qtugħ ta’ nifs…

Avjazzjoni

Fl-istorja Maltija tal-avvjazzjoni, l-1969 ma kinitx l-isbaħ paġna. F’temp ta’ tliet xhur, nofs seklu ilu, seħħew żewġ disgrazzji tal-ajru b’ajruplani militari. L-istorja tagħhom hija fost kważi elf inċident tal-ajruplan li…

Lokali

Il-Fondazzjoni Blue Light, imwaqqfa mis-Surġent Simon Schembri mistennija tiftaħ l-ewwel dar tagħha biex tilqa’ fiha uffiċjali tal-forzi dixxiplinati li jweġġgħu waqt il-qadi ta’ dmirijiethom. Il-Ħadd filgħodu f’Ħal Safi saret attività…

Għawdex

Dalgħodu f’Dar Arka, Għajnsielem, saret quddiesa mmexxija mill-Isqof ta’ Għawdex, Mario Grech bħala talba ta’ radd il-ħajr lil Alla fi tmiem il-mandat tal-President Marie-Louise Coleiro Preca. Fi kliem il-President, l-Ewkaristija…

Aktar