Lokali
Il-Karnival jgħin ġuvni bl-awtiżmu jemmen fih innifsu

Ġuvni ta’ 24 sena bil-kundizzjoni tal-awtiżmu, isib l-akbar żvog tiegħu bil-bini tal-karru tal-karnival għax jesprimi t-talent artistiku tiegħu. Għal Fletcher Cini, ir-renju tal-karnival huwa l-isbaħ żmien ta’ ħajtu, għaliex juri l-ħila tiegħu meta jibni karru kważi waħdu bl-appoġġ ta’ missieru Jesmond.

Ir-renju tal-Karnival għandu faxxinu speċjali għal Fletcher Cini li jesprimieh b’entuzjażmu waqt l-isfilata ta’ kull karnival mindu kif żgħir. Fletcher li għandu l-kundizzjoni tal-awtiżmu, u jsibha diffiċli anki biex jikkomunika sew, iħossu li l-kanivall jagħti l-akbar żvog biex juri t-talenti tiegħu waqt li ma’ missieru Jesmond jibni l-karru għall-isfilata.

Jesmond Goodlip qal “għalkemm bi bżonnijiet speċjali u autism, kapaċi fil-kartapesta, ġebel, u tafal li jaraw għajnejh jagħmel, jien infassal parti mill-karru u nsibu miksi u mqabbeż”.

Fletcher bħall-bqija tal-karristi għaddej bix-xogħol biex jarma l-karru għal din is-sena u qal l-ferħ tiegħu huwa meta jara l-karru lest.

Fletcher qal “jiena nħobbu l-karnival, hekk nieħu pjaċir.”

Missieru qal li jixtieq li ibnu jkollu ċ-ċans li jkompli jitgħallem. Qal li x-xogħol fuq il-karru kien mezz importanti ta’ tagħlim għal ibnu.

Jesmond Goodlip qal “tgħallem ħafna minnu, għenu biex jiżviluppa, għadu daqsxejn imma impruvja ħafna”.

Bħalissa l-karristi f’diversi mħażen fosthom f’Sant Iermu u fil-Marsa għaddejjin bix-xogħol fuq il-karrijiet li jikkompetu f’diversi kategoriji. Minbarra l-karrijiet, għaddejja wkoll il-ħjata tal-kostumi elaborati li jpaxxu l-għajn ta’ kull min isegwi ż-żfin tal-karnival. Il-karnival din is-sena se jsir bejn it-28 ta frar u l-5 ta’ Marzu.

Aħbarijiet Oħra
Politika

L-Istitut tal-Ġurnalisti Maltin ikkundanna l-aggressività murija minn attivisti tal-Partit Nazzjonalista fil-konfront ta’ ġurnalisti quddiem id-Dar Ċentrali ftit tal-jiem ilu. Fi stqarrija l-IGM qal li qatt mhuwa aċċettabbli li l-ġurnalisti jiġu…

Traffiku

Fl-2017 kien hemm medja ta’ 68 vettura kuljum li nħarġitilhom liċenzja biex jinstaqu fit-toroq Maltin, għal total ta’ aktar minn 370,000 vettura liċenzjata. Mir-rapport annwali dwar it-trasport f’Malta maħruġ mill-Uffiċċju…

Knisja Maltija

Oriġinarjament magħrufa bħala Casa della Madonna di Manresa, il-Kurja tal-Arċisqof parti integrali mill-istorja reliġjuża u soċjali ta’ Malta. Fl-arkivju jinstabu bosta dokumenti fuq dak li seħħ f’Malta mis-seklu sittax ‘il…

Aktar