Lokali
Il-karozza bomba tal-Bidnija tixbaħ l-isplużjoni ta’ Buġibba iżda kienet ikbar – Dr Abela Medici

L-espert forensiku Dr Anthony Abela Medici qal li l-isplużjoni li ħasdet il-ħajja ta’ Daphne Caruana Galizia kienet tant qawwija li ħalliet toqba kbira ta’ żewġ metri bi kwart ta’ metru fond.

Ma’ tvm.com.mt Dr Abela Medici qal li l-bomba setgħet twaħħlet jew taħt il-karozza jew taħt is-seat.

Stqarr li l-bomba setgħet ġiet attivata minn xi tip ta’ remote control jew billi nqabdet mal-istarter tal-karozza. Madankollu stqarr li l-possibbilità li kienet imqabbda mal-istarter tal-karozza hija remota għax ried ikollhom aċċess għall-bonnet tal-karozza.

Huwa spjega li  l-isplussiv ħalla warajh toqba kbira u dan jista’ jipprovdi evidenza ta’ x’tip ta’ splussiv kien. Stqarr li hemm ċans li jekk tiġi eżaminata sew it-toqba jistgħu jinstabu traċċi tal-isplussiv.

Qal li x-xhieda fuq il-post li nstemgħu żewġ splużjonijiet tista’ tgħin ħafna fl-investigazzjoni .

L-espert forensiku qal li dan l-isplussiv li ntuża jixbah lil dak li ntuża fl-isplużjoni ta’ Buġibba fejn is-saqaf kien tar tliet sulari. Madankollu huwa osserva li l-isplussiv li ntuża llum kien ħafna aktar qawwi minn ta’ Buġibba. Żied jgħid li l-għan ta’ dan l-attakk kien dirett li joqtol u dan joħroġ mill-qawwa tal-isplussiv li ntuża.

Huwa sostna li min-naħa tagħhom l-esperti jipprovaw iżommu kull tip ta’ evidenza hekk kif anke lanqas farka minn xi mowbajl u sim card jistgħu jkunu ta’ evidenza kbira.

Dr Abela Medici qal li jekk saret xi komunikazzjoni bil-mowbajl f’dik iż-żona tista’ tiġi ttraċċata u minn hemm ikun hemm possibiltà li jiġi ddentifikat is-sors ta’ minn fejn ġiet it-telefonata.

Temm jgħid li l-esperti forensiċi tal-FBI għandhom tagħmir aktar sofistikat minn dak li hawn f’Malta u wera ottimiżmu li jistgħu jsibu traċċi ta’ min seta’ għamel il-bomba.

Segwi hawnhekk il-kummenti li l-espert forensiku Dr Anthony Abela Medici ta fl-Aħbarijiet ta’ TVM:

 

Ara wkoll:

ARA: Il-Pulizija tippreserva x-xena tar-reat mill-elementi naturali

 

Aħbarijiet Oħra
Infrastruttura

Il-Grupp Express, li jopera fit-trasport u l-loġistika, waqqaf kumpanija ġdida fl-industrija tal-manifattura: Express Trailers Engineering. Din il-kumpanija se timpjega 25 ħaddiem, u se jaħdmu xogħol ikkummissjonat minn kumpanija Żvediża li…

Annimali

Uħud sufin u oħrajn qishom tigri żgħar – qtates ta’ razez differenti qed jikkompetu f’wirja internazzjonali li qed issir f’Malta li tixhed ukoll id-dilletanti numeruzi ta’ dawn l-annimali domestiċi. Aktar…

Ekonomija u Finanzi

L-aġenzija internazzjonali Standard and Poor ikkonfermat ir-rating ta’ Malta fil-Livell A- bi prospetti pożittivi wara li l-ekonomisti tagħha sabu li l-ekonomija Maltija kompliet tikber b’pass mgħaġġel, b’żieda fl-impjiegi u tnaqqis…

Festi

Il-festi titulari fl-istaġun sajfi ġew iċċelebrati kollha. Iżda l-festi għadhom għaddejjin. Fil-fatt, fi tmiem din il-ġimgħa qed jiġu ċċelebrati ħafna festi żgħar f’kappelli li għandna f’Malta u Għawdex. Waħda minnhom…

Aktar