Infrastruttura
Il-karozzi jgħaddu minn taħt il-flyover il-ġdid tal-Marsa għall-ewwel darba

Tibdil fil-karreġġjati li jagħtu għan-naħa ta’ fuq wassal biex għall-ewwel darba l-karozzi jgħaddu minn taħt l-ewwel parti tal-flyover li qed jinbena.

Dawk li llum għaddew mill-junction tal-Marsa setgħu jinnutaw li l-karreġġjati nbidlu kemmxejn hekk kif wieħed jgħaddi minn quddiem il-kumpless ONE.

Kelliem għal Infrastructure Malta qal li minkejja li l-karreġġjati ċċaqalqu, inżamm l-istess ammont.

Barra minn hekk, dan it-tibdil mhux marbut mad-direzzjoni, fejn wieħed m’għandux bżonn jagħżel minn qabel il-karreġġjata skont fejn irid imur, bħal ma kien il-każ tal-karreġġjati lejn in-naħa t’isfel.

Il-kelliem fakkar li bħalissa fil-partijiet fejn għaddej ix-xogħol, is-sewwieqa dejjem għandhom iżommu ħeffa ta’ mhux iktar minn 30 km fis-siegħa, biex b’hekk ikunu dejjem ippreparati għal xi tibdil li jistgħu jsibu fil-karreġġjati.

Sadanittant, il-Kap Eżekuttiv Frederick Azzopardi qal li ma kien hemm l-ebda vaganza ta’ Santa Marija għall-ħaddiema li qed jaħdmu fuq il-proġett tal-junction tal-Marsa.

Fuq il-midja soċjali l-Inġinier Azzopardi qal li matul il-lejl li għadda l-kuntratturi poġġew 277 tunnellata ta’ konkrit biex jiffurmaw il-wiċċ ta’ wieħed mis-seba’ flyovers li se jinbnew hawnhekk. Ma’ dan il-wiċċ, li se jkun fih erba’ karreġġjati, se jingħaqdu 3 flyovers oħra.

Aħbarijiet Oħra
Knisja Maltija

Ħadd il-Palm fis-skiet, bl-insara isegwu minn djarhom il-funzjonijiet liturġiċi f’sena ta’ ċirkostanzi straordinarji. Il-Ġimgħa Mqaddsa bdiet illum bil-festa li tfakkar id-dħul ta’ Ġesù f’Ġerusalemm u tintemm bħal-lum ġimgħa bl-Għid il-Kbir….

Politika

Il-Kap tal-Oppożizzjoni u tal-Partit Nazzjonalista Adrian Delia qal li issa li l-pajjiż iddikajra emerġenza medika huwa importanti li flimkien nużaw ir-riżorsi kollha biex tintrebaħ din l-emerġenza ħalli jingħelbu l-isfidi ta’…

Lokali

Waqt li bosta minna ninsabu d-dar minħabba l-imxija tal-Coronavirus, l-annimali bħal donnu ħadu l-opportunità u qed joħorġu aktar. Grupp ta’ papri deher fejn il-baħar u dan ġibed l-attenzjoni tan-nies li…

COVID-19

Il-Professur Charmaine Gauci qalet li qed issir strateġija ta’ kontroll fejn dawk li għandhom sintomi anke ħfief bħal diarrhea jew respiratorji qed jiġu mħeġġa jċemplu l-111. Dan l-appell qed isir…

Aktar