Lokali
Il-kċina Franċiża f’Malta – iċ-ċelebrazzjoni kulinarja Good France

Ir-rabtiet bejn Franza u Malta qed jissaħħu wkoll fil-qasam tal-ikel u t-tisjir hekk kif għadd ta’ ristoranti Maltin u studenti mill-ITS issieħbu f’ċelebrazzjoni tal-ikel Franċiż li hu rispettat mhux biss mill-Franċiżi iżda wkoll internazzjonalment.

Seba’ stabbilimenti tal-ikel fil-Gżejjer Maltin ser jingħaqdu ma’ 3,000 ristorant ieħor minn madwar id-dinja biex joffru ikel tradizzjonali Franċiż flimkien ma’ nbejjed Franċiżi. Din iċ-ċelebrazzjoni tal-ikel Franċż imsejħa Good France ser issir bil-kollaborazzjoni tal-Ministeru tal-Affarijiet Barranin Franċiż u tal-Istitut għall-Istitudji Turistiċi.

Christian Gilson, student tal-ITS qal ”l-ikel Franċiż huwa l-bażi tal-kċina Ewropea u kważi tal-kċina mondjali. Kċina li hija maqsuma bejn in-naħa ta’ fuq u n-naħa ta’ isfel li hija mediterranja. Fejn għandhom ir-ratatouille, il-bouillabaisse li huma similari ħafna tal-ikel tagħna però n-naħa ta’ fuq għandhom kċina bbażata fuq fats, jużaw ħafna isfar tal-bajd, butir u kremiet u dawn l-affarijiet.”

L-attività f’Malta tnediet mill-Ambaxxattriċi Franċiża li spjegat li din iċ-ċelebrazzjoni ssir bil-għan li aktar turisti jduqu l-gastronomija Franċiża. Ir-rabtiet gastronomiċi bejn Malta u Franza komplew jissaħħu bi ftehim li qed jagħti lill-istudenti Maltin opportunitajiet akbar ta’ taħriġ.

L-Ambaxxatriċi Franċiża, Beatrice Le Fraper Du Hellen, qalet ” we have signed an agreement between ITS and the Paul Bocous institute in France which is a very famous cooking school to make sure that the Maltese and French cooking tradition continue to mingle in the future. It is important because it is strategically important for Malta because for tourism is and will remain an important aspect of the remaining activity for the years to come. More and more tourists from France are coming.”

L-Ambaxxatriċi qalet kull sena aktar stabbilitmenti tal-ikel Maltin qed jipparteċipaw f’din l-attività kulinarja Franċiża.

Aħbarijiet Oħra
Lokali

L-istorja ta’ Cinderella se tkun il-qofol tal-opra mill-pinna tal-kompozitur Malti tas-seklu dsatax Nicolo Isouard, li se tittella’ fi tmiem il-ġimgħa d-dieħla fit-Teatru Manoel. Din se tkun it-tielet opra fil-programm ta’…

Lokali

Għall-ħabta ta’ nofsinhar, l-Imsaġar tal-Aħrax inbelgħu min-nirien, fl-istess post fejn kien qabad daqs xahar ilu. Fin-nirien tal-lum, jidher li ġew meqruda ammont konsiderevoli ta’ siġar tal-Prinjol li għandhom ‘il fuq…

Lokali

Malta kisbet punti tajbin fl-iscoreboard dwar l-innovazzjoni fil-pajjiżi membri tal-Unjoni Ewropea li ġie pubblikat illum fi Brussell. F’rapport ta’ aktar minn mitt paġna li janalizza diversi aspetti tal-innovazzjoni fil-pajjiżi tal-Unjoni…

Lokali

Ġie inawgurat ir-restawr tal-Bieb ta’ Hompesch. Ir-restawr sar mid-Direttorat tar-Restawr fi ħdan il-Ministeru għall-Kultura u Gvern Lokali. Il-Bieb ta’ Hompesch inbena fl-1801 fuq ix-xewqa taż-Żabbarin ad unur il-Gran Mastru Hompesch,…

Aktar