Immigrazzjoni
Il-Knisja Evanġelika Ġermaniża tipprotesta f’Malta fuq l-immigrazzjoni

Il-Knisja Evanġelika Ġermaniża appellat lill-politiċi u l-gvernijiet fl-Ewropa biex ma jaħarbux mir-realtajiet tal-immigrazzjoni u jagħżlu li jagħlqu l-fruntieri.

Quddiem il-monument li jfakkar l-emigrazzjoni tat-tfal Maltin fil-Belt, il-President ta’ din il-komunità, Manfred Rekowski, appella lill-awtoritajiet Maltin biex jirtira d-deċiżjoni li ma jħallix vapuri tas-salvataġġ ta’ għaqdiet mhux governattivi jaħdmu minn Malta. Huwa qal li din id-deċiżjoni jista’ jkollha konsegwenzi fatali fuq ħajjet l-immigranti li jkunu bejn sema u ilma.

Preżenti għal din il-konferenza tal-aħbarjiet kien hemm membri tal-ekwipaġġ tal-MV Life Line, Sea-Watch u Sea Eye, u l-ajruplan Moonbird li jinsabu miżmuma f’Malta. Huma xegħlu xemgħat, ġgieget ta’ salvataġġ u slaleb żgħar li jirrappreżentaw ħajjet l-immigranti li tilfu ħajjithom fil-Mediterran.

Mistoqsi minn Television Malta dwar li l-Ġermanja ma kinitx fost il-pajjiżi li aċċetta t-talba tal-Gvern Malti li jieħu grupp ta’ immigranti tal-MV Life Line, Ansgar Gilster, qal li l-Knisja Evanġelika Ġermaniża ma toqgħodx lura milli tikkritika lill-awtoritajiet li jaħarbu mir-responsabilitajiet umanitarji.

“We see huge lack of human solidarity, and this is actually the problem. We re not coming here to criticize or comment on Maltese politics or Italian politics. Not at all, but we’re here to try to see what’s going on, and condemn what s going on, and protect and support those who risk their own lives to save the lives of others,” qal Gilster.

Ansgar Gilster qal li l-Knisja Evanġelika Ġermaniża mhix passiva quddiem attroċitajiet fil-konfront tat-tfal, inkluż tal-abort u dawk li m’għandhomx saqaf fuq rashom.

Aħbarijiet Oħra
Temp

Qed ikun imbassar li se tagħmel maltempata bir-ragħad fuq il-gżejjer Maltin iktar tard illum, bl-iktar ħin probabbli li se tgħaddi minn fuq Malta u Għawdex huwa bejn is-2pm u nofsillejl….

Ġurnali

In-Nazzjon Fl-ewwel paġna ta’ In-Nazzjon insibu ritratt tal-Kap tal-Partit Nazzjonalista Adrian Delia mal-Kap tal-Partit Popolari Ewropew Manfred Webber fi Brussel fejn Dr Delia attenda għas-summit tal-PPE. Fl-ewwel paġna wkoll insibu…

Unjoni Ewropea

Il-Prim Ministru Joseph Muscat fil-jiem li ġejjin, fi Brussell, se jkun qiegħed jiddiskuti flimkien mal-mexxejja tal-Istati Membri l-futur tal-Ewropa fid-dawl ta’ Brexit u l-fenomenu tal-immigrazzjoni u l-isfidi li jġib miegħu….

Infrastruttura

Tnediet skema ġdida bħala parti mill-proġett għar-riġenerazzjoni tan-naħa t’isfel tal-Belt Valletta. Din l-iskema li hija ffinanzjata 80% minn Fondi Ewropej u 20% mill-Awtorità tal-Ippjanar tammonta għal €2 miljun. Immexxija mill-Awtorità tal-Ippjanar, l-iskema tagħmel parti…

Aktar