Reliġjon
Il-komunità Iżlamika b’konvenzjoni inter-reliġjuża biex tippromovi d-djalogu

Il-komunità Iżlamika Ahmadiyya li tiltaqa’ għat-talb fil-Gżira tellgħet konvenzjoni inter-reliġjuża biex flimkien ma’ rappreżentanti ta’ reliġjonijiet oħra tippromovi d-djalogu ħalli tinħoloq atmosfera ta’ mħabba, rispett u tama. Il-konvenzjoni nżammet fiċ-Ċentru Familja Mqaddsa fl-Imsida.

Id-djalogu bejn rappreżentanti tar-reliġjonijiet huwa l-għodda li qed tintuża biex dawk li jemmnu jifhmu aktar lil xulxin ħalli flimkien joħolqu atmosfera ta’ paċi, imħabba u rispett minkejja d-diversità fit-twemmin. Il-Komunità Iżlamika Ahmadiyya ħasset li għandha toħloq opportunità ta’ djalogu fejn rappreżentanti ta’ reliġjonijiet differenti jitkellmu dwar it-twemmin tagħhom ħalli tissaħħaħ il-ħbiberija. Il-konvenzjoni li nżammet fiċ-Ċentru Familja Mqaddsa f’Imsida kellu t-tema ‘Imħabba għal Kulħadd, mibegħda lejn ħadd’.

Laiq Ahmed Atif, il-President t’Ahmadiyya Musulmana “nagħtu għarfien lill-komunità tagħna dwar l-Iżlam u kif għandhom jgħixu fis-soċjetà bħala ċittadini responsabbli, għandhom juru rispett lejn kulħadd u jgħinu lill-kulħadd li huwa fil-bżonn.”

Il-President Ahmed Atif qal li l-konvezjoni kellha li jintbagħat messaġġ ta’ għaqda.

Laiq Ahmed Atif qal “nies ta’ twemmin differenti li jgħixu f’Malta u nibagħtu l-messaġġ li għalkemm ir-reliġjonijiet jkunu differenti iżda bħala bnedmin umani nistgħu niffukaw fuq affarijiet komuni bejnietna sabiex nagħmlu s-soċjetà aħjar.”

Fr John Barry li huwa d-deligat tal-Kummissjoni Djoċesana għad-Djalogu Interreliġjuż tal-Knisja qal li d-djalogu reliġjuż joħloq kultura ta’ paċi u anke jibni pontijiet bejn ir-reliġjonijiet.

 

Aħbarijiet Oħra
Politika

Il-Kap tal-Oppożizzjoni u tal-Partit Nazzjonalista, Adrian Delia, qal li hu għadu l-Kap tal-Oppożizzjoni u tal-Partit Nazzjonalista. “Kien hemm aħbarijiet fuq il-midja li diġà Kap tal-Oppożizzjoni ġdid u ssemmiet l-Onorevoli Therese…

Politika

Fl-aħħar sigħat il-President ta’ Malta George Vella ltaqa’ ma’ diversi deputati tal-Partit Nazzjonalista fil-Palazz ta’ Sant’ Anton. Fost id-deputati li diġà kellhom laqgħa mal-President Vella kien hemm Beppe Fenech Adami,…

Politika

Il-vot ta’ sfiduċja f’Adrian Delia mid-deputati Nazzjonalisti ħoloq xenarji ġodda b’opinjonisti jgħidu li din is-sitwazzjoni kompletament ġdida fl-istorja politika ta’ Malta. Fil-programm Ras imb’ Ras fuq TVM, l-opinjonist Dr Mario…

COVID-19

Il-COVID-19 u x-xogħol ġew diskussi minn mexxejja minn madwar id-dinja f’summit virtwali organizzat mill-Għaqda Dinjija tax-Xogħol, l-ILO. Fil-fehma tal-kap tal-organizazzjoni, il-pandemija tefgħet id-dinja tax-xogħol fi kriżi bla preċedent. F’messaġġ waqt…

Aktar