Lokali
Il-komunità Kurda f’Malta u l-Moviment Graffitti jikkundannaw l-invażjoni Torka fit-Tramuntana tas-Sirja

L-invażjoni Torka fit-Tramuntana tas-Sirja ġiet ikkundannata mill-komunità Kurda f’Malta li bl-appoġġ tal-Moviment Graffitti organizzaw manifestazzjoni paċifika quddiem l-Ambaxxata Torka fil-Floriana. Huma kkundannaw dak li sejħu bħala assalt brutali u mingħajr provokazzjoni mill-istat Tork fuq komunitajiet f’din iż-żona fis-Sirja magħrufa bħala Rojava u li qed twassal għal imwiet u ċaqliq sfurzat ta’ bosta persuni.

L-attivisti allegaw li t-Turkija qed tuża militanti Iżlamiċi biex twettaq il-gwerra tagħha fuq il-komunitajiet fir-Rojava u esprimew tħassib għal dikjarazzjonijiet mill-President Tork Erdogan li qal li jrid ibiddel id-demografija tat-Tramuntana tas-Sirja. Qalu li l-komunitajiet Kurdi u komunitajiet oħra qegħdin jiffaċċjaw ir-riskju li jinqerdu minn partijiet kbar tas-Sirja permezz ta’ tindif etniku.

L-attivisti tal-komunità Kurda f’Malta u l-Moviment Graffitti appellaw lid-dinja tieħu azzjoni quddiem l-invażjoni Torka, il-massakru tal-komunitajiet fiż-żona u t-theddida li qed joħloq il-gvern Tork mill-militanti tal-Istat Iżlamiku. Ħeġġew ukoll lill-Gvern Malti jonora l-obbligi Kostituzzjoni li jaħdem għall-paċi billi jinforma lill-Ambaxxatur Tork li Malta topponi  l-invażjoni Torka f’din iż-żona fis-Sirja.

Aħbarijiet Oħra
Lokali

Il-Ministru għall-familja, id-drittijiet tat-tfal u solidarjetà soċjali Michael Falzon qal li bħalissa hemm 278 tifel u tifla li huma taħt ordni ta’ ħarsien mill-Aġenzija Appoġġ. Fi tweġiba parlamentari lid-deputat nazzjonalista…

Lokali

Il-Ministru għall-familja, id-drittijiet tat-tfal u solidarjetà soċjali Michael Falzon qal li s-sena li għaddiet kien hemm disa’ każi ġodda ta’ traffikar uman. Fi tweġiba parlamentari għall-mistoqsija tad-deputat nazzjonalista Claudette Buttigieg, il-Ministru Falzon…

Politika

L-Istitut tal-Ġurnalisti Maltin ikkundanna attakki personali li saru lbieraħ u llum minn żewġ deputati tal-Partit Nazzjonalista fuq ġurnalist li għandu programm fuq l-istazzjon ONE. L-IĠM qal li minbarra diversi rapporti…

Lokali

Il-fondazzjoni għas-servizzi ta’ ħarsien soċjali qed taħdem ma’ 1,300 vittma ta’ vjolenza domestika f’1,324 każ li għandha f’idejha. Il-Ministru għall-familja, drittijiet tat-tfal u solidarjetà soċjali Michael Falzon qal dan fi…

Aktar