Barranin
Il-Korea ta’ Fuq ma tridx iżjed taħditiet mal-Korea t’Isfel

Il-Korea ta’ Fuq qed teskludi l-possibiltà ta’ iżjed taħditiet mal-Korea t’ Isfel u qalet li qed tagħmel hekk minħabba l-azzjonijiet tal-Korea t’ Isfel.

Id-dikjarazzjoni saret b’reazzjoni għall-diskors li sar mill-president tal-Korea t’ Isfel, Moon Jae In nhar il-Ħamis.

Fl-isfond tal-iżviluppi, il-Korea ta’ Fuq sparat ukoll żewġ missili fl-ibħra qrib il-kosta tal-Lvant tal-peniżola.

Din kienet is-sitt prova tal-isparar bil-missili mill-Korea ta’ Fuq f’inqas minn xahar meta sitt ijiem ilu sparat ukoll żewġ missili ballistiċi fuq medda qasira ta’ distanza fl-ibħra Ġappuniżi.